ណាតូជំរុញរុស្សីកុំឱ្យធ្វើ «សកម្មភាពអរិភាព» ប្រឆាំងអ៊ុយក្រែន
កាលពីថ្ងៃចន្ទ ទី១៥ វិច្ឆិកាអគ្គលេខាធិការអង្គការណាតូលោកលោកជេន ស្តូលធេនប៊ឺកបាននិយាយថាក្នុងរយៈប៉ុន្មានសប្ដាហ៍ចុងក្រោយនេះការប្រមូលផ្ដុំទាហានរុស្សី «ដ៏ធំ និងមិនធម្មតា» ត្រូវបានគេប្រទេសឃើញនៅតាមព្រំដែនជាមួយប្រទេសអ៊ុយក្រែន ហើយលោកបានជំរុញឱ្យរុស្សីបង្កើនតម្លាភាពជុំវិញការដាក់ពង្រាយនេះ និងកុំឱ្យធ្វើ «សកម្មភាពអរិភាព» ប្រឆាំងអ៊ុយក្រែន។
ថ្លែងបន្ទាប់ពីកិច្ចពិភាក្សាជាមួយរដ្ឋមន្ត្រីការបរទេសអ៊ុយក្រែននៅទីក្រុងប្រ៊ុចសែល លោក ស្តូលធេនប៊ឺកនិយាយថាអ្វីដែលសំខាន់គឺបញ្ឈប់ភាពតានតឹងមិនឱ្យរំកិលចេញពីការគ្រប់គ្រង។លោកនិយាយថា៖ «យើងឃើញការប្រមូលផ្ដុំកងទ័ពមិនធម្មតា ហើយយើងដឹងថារុស្ស៊ីមានឆន្ទៈក្នុងការប្រើប្រាស់សមត្ថភាពយោធាប្រភេទនេះកាលពីពេលមុន ដើម្បីធ្វើសកម្មភាពអរិភាពប្រឆាំងនឹងអ៊ុយក្រែន»។
បន្ទាប់រូបភាពផ្កាយរណបបានបង្ហាញពីការប្រមូលផ្ដុំនេះ មានការព្រួយបារម្ភយ៉ាងខ្លាំងក្នុងចំណោមមេដឹកនាំលោកខាងលិចថារុស្សីគឺកំពុងត្រៀមធ្វើការឈ្លានពានចូលប្រទេសអ៊ុយក្រែន។ ប៉ុន្តែប្រទេសរុស្សីបានច្រានចោលការចោទប្រកាន់នេះ ហើយបានរិះគន់ការកើនឡើងសកម្មភាពរបស់អង្គការណាតូក្នុងតំបន់នេះ៕
ប្រភព៖ BBC
