Positive Cambodia Ep29: រដ្ឋាភិបាល ដាក់ចេញនូវវិធានការជាបន្តបន្ទាប់ជួយដល់អ្នករងផលប៉ះពាល់ពីកូវីដ-១៩
១. រដ្ឋាភិបាលកម្ពុជាសម្រេចដាក់ចេញវិធានការជុំទី១០បន្ថែមទៀត ដើម្បីបន្តគ្រប់គ្រងផលប៉ះពាល់លើវិស័យសំខាន់ៗនៃសេដ្ឋកិច្ចក្នុងបរិការណ៍នៃវិបត្តិ ការស្តារ និងជំរុញកំណើនសេដ្ឋកិច្ចកម្ពុជាក្នុងអំឡុង និងក្រោយពីវិបត្តិជំងឺកូវីដ-១៩។ វិធានការណ៍ដែលរដ្ឋាភិបាលបានដាក់ចេញនេះ គឺជាគោលនយោបាយសារពើពន្ធមួយ ដែលបានជួយទៅដល់កំណើនសេដ្ឋកិច្ចតាមរយៈការផ្ទេរ និងមួយចំណែកទៀតជាគោលនយោបាយបន្ថយពន្ធ។
២. យោងតាមសេចក្តីប្រកាសព័ត៌មានកាលពីថ្ងៃទី ២៨ ខែតុលា រដ្ឋាភិបាលសម្រេចដាក់ចេញវិធានការបន្តជួយឧបត្ថម្ភប្រាក់៤០ ដុល្លាររយៈពេល ៣ខែបន្ថែម (ពីខែតុលា ដល់ខែធ្នូ ឆ្នាំ ២០២១) សម្រាប់កម្មករ និយោជិតធ្វើការក្នុងវិស័យកាត់ដេរវាយនភណ្ឌ ស្បែកជើង ផលិតផលធ្វើដំណើរ កាបូប ដែលទទួលបានលិខិតអនុញ្ញាតឱ្យព្យួរកិច្ចសន្យាការងារពីក្រសួងការងារនិងបណ្តុះបណ្តាលវិជ្ជាជីវៈ និងម្ចាស់រោងចក្រសហគ្រាសក្នុងវិស័យត្រូវបន្ថែមចំនួន ៣០ដុល្លារសរុប ៧០ដុល្លារ ក្នុង១ខែ សម្រាប់១នាក់។
ពិតណាស់ ការចូលរួមពីរដ្ឋាភិបាលពិតជាមានសារៈសំខាន់ ពិសេសការជំរុញដល់វិស័យឯកជន គឺតំណាងម្ចាស់រោងចក្រសហគ្រាសក្នុងវិស័យត្រូវបន្ថែមចំនួន ៣០ដុល្លារ សរុប ៧០ដុល្លារក្នុង១ខែ សម្រាប់១នាក់។
៣. សេចក្តីប្រកាសព័ត៌មានបន្តថា រដ្ឋាភិបាលក៏នឹងបន្តផ្តល់ប្រាក់ឧបត្ថម្ភ ៤០ដុល្លារ ក្នុង ១ខែ ជូនកម្មករ-និយោជិត ម្នាក់ដែលបំពេញការងារក្នុងវិស័យទេសចរណ៍សម្រាប់រយៈពេល ៣ខែ បន្ថែមផងដែរ។ សហគ្រាសនិងអាជីវកម្ម ក្នុងវិស័យទេសចរណ៍ត្រូវរួមចំណែកតាមគោលការណ៍ស្ម័គ្រចិត្ត និងតាមលទ្ធភាពជាក់ស្តែងបន្ថែមលើអ្វីដែលរដ្ឋាភិបាលបានផ្តល់ជូន។
ជាការពិតហើយ រដ្ឋក៏មានការយោគយល់ច្រើនដល់វិស័យសេវាកម្មដែលបម្រើក្នុងផ្នែកទេសចរ។ ការជំរុញនិងលើលកទឹកចិត្តឲ្យផ្នែកទេសចរបានចូលរួមជួយ គឺជាការជំរុញការទទួលខុសត្រូវក្នុងសង្គម ដែលមានភាពចាំបាច់បំផុត ពិសេសនៅពេលប្រទេសជាតិជួបវិបត្តកូវីត១៩កន្លងមកនេះ។
៤.ការសម្រេចចិត្តរបស់រាជរដ្ឋាភិបាលបន្តលើកលែងការបង់ពន្ធប្រចាំខែគ្រប់ប្រភេទចំពោះសណ្ឋាគារ ផ្ទះសំណាក់ ភោជនីយដ្ឋាន និង ក្រុមហ៊ុនភ្នាក់ងារទេសចរណ៍ដែលបានចុះបញ្ជីជាមួយអគ្គនាយកដ្ឋានពន្ធដារសម្រាប់រយៈពេល ៣ខែ និងបន្តលើកលែងការបង់ភាគទានរបបសន្តិសុខសង្គម ផ្នែកហានិភ័យការងារ និងផ្នែកថែទាំសុខភាពនៃបេឡាជាតិសន្តិសុខសង្គម ក្នុងអំឡុងពេលព្យួរអាជីវកម្ម ឬផ្អាកដំណើរការអាជីវកម្ម។
ជាការពិត រដ្ឋក៏មានការយោគយល់ច្រើនដល់វិស័យសេវាកម្មដែលបម្រើក្នុងផ្នែកទេសចរណ៍។ ការជំរុញនិងលើកទឹកចិត្តឲ្យផ្នែកទេសចរណ៍បានចូលរួមជួយ គឺជាការជំរុញការទទួលខុសត្រូវក្នុងសង្គម ដែលមានភាពចាំបាច់បំផុត ពិសេសនៅពេលប្រទេសជាតិជួបវិបត្តិកូវីត-១៩។
៥. បើតាមសេចក្តីប្រកាសព័ត៌មាន ការសម្រេចដាក់ចេញនូវវិធានការបន្ថែមសម្រាប់ជុំទី ១០ នេះ គឺក្នុងបំណងបន្តជួយកាត់បន្ថយផលប៉ះពាល់នៃវិបត្តិជំងឺកូវីដ-១៩ មកលើស្ថានភាពសង្គមសេដ្ឋកិច្ច។ ទោះយ៉ាងណា វិធានការទាំងអស់នេះមិនមានឥទ្ធិពលខ្លាំងសម្រាប់ជំរុញកំណើនសេដ្ឋកិច្ចជាតិនោះទេ ប៉ុន្តែរដ្ឋាភិបាលធ្វើនេះដើម្បីរៀបចំឱ្យមានប្រាក់ចំណូលមិនឱ្យមានភាពខុសគ្នាក្នុងពេលមានវិបត្តិនៃជំងឺកូវីដ១៩។ ជាការពិត «រដ្ឋមិនមានគោលនយោបាយបើកប្រាក់ឧបត្ថម្ភជាប្រចាំទេ ប៉ុន្តែរដ្ឋអាចធ្វើជាកញ្ចប់ថវិកាដោយឡែក។ នេះគឺសម្រាប់ជួយដល់ប្រជាពលរដ្ឋដែលរងគ្រោះអំពីការផ្អាក និងព្យួរការងារដោយសារតែរោងចក្រមួយចំនួន ឬវិស័យមួយចំនួនដូចជាវិស័យទេសចរណ៍ជាដើមដែលត្រូវបានផ្អាក»។
សំនួរពិភាក្សា
១. ប្រទេសកម្ពុជានិងប្រជាជនទូទាំងសកលបានរងនូវផលប៉ះពាល់លើវិស័យសំខាន់ៗ កម្ពុជាបានរងនូវវិបិត្តយ៉ាងតំណំ ក្នុងនោះកម្ពុជាបានដាក់ចេញនូវវិធានការជាច្រើន។ ប៉ុន្តែអ្នកជំនាញសេដ្ឋកិច្ចអះអាងថា វិធានការនេះមិនមានសម្ទុះជំរុញកំណើនសេដ្ឋកិច្ចក្នុងប្រទេសឱ្យខ្លាំងក្លានោះទេ តើលោកមានការយល់ឃើញយ៉ាងណាដែរ ?
២. យោងតាមសេចក្តីប្រកាសព័ត៌មានតុលា រដ្ឋាភិបាលសម្រេចដាក់ចេញវិធានការបន្តជួយឧបត្ថម្ភប្រាក់ ៤០ ដុល្លាររយៈពេល ៣ ខែបន្ថែមទៀត (ពីខែតុលា ដល់ខែធ្នូ ឆ្នាំ ២០២១)សម្រាប់កម្មករ និយោជិតធ្វើការក្នុងវិស័យកាត់ដេរវាយនភណ្ឌ, ស្បែកជើង, ផលិតផលធ្វើដំណើរ កាបូប ដែលទទួលបានលិខិតអនុញ្ញាតឱ្យព្យួរកិច្ចសន្យាការងារពីក្រសួងការងារ និងបណ្តុះបណ្តាលវិជ្ជាជីវៈ និងម្ចាស់រោងចក្រសហគ្រាសក្នុងវិស័យត្រូវបន្ថែមចំនួន ៣០ ដុល្លារសរុប ៧០ ដុល្លារក្នុង ១ ខែសម្រាប់ ១ នាក់។ តើលោកមានការយល់ឃើញយ៉ាងណាដែរចំពោះ ព័ត៌មាននេះ?
៣. ងាកមកវិស័យទេសចរណ៍វិញម្តងជាវិស័យមួយផ្នែកទាក់ទងនិង ការធ្វើដំណើរ និងសេវាកម្ម បានរងនូវផលប៉ះពាល់យ៉ាងខ្លាំង រដ្ឋាភិបាលក៏នឹងបន្តផ្តល់ប្រាក់ឧបត្ថម្ភ ៤០ ដុល្លារក្នុង ១ខែ ជូនកម្មករ-និយោជិត ម្នាក់ដែលបំពេញការងារក្នុងវិស័យទេសចរណ៍សម្រាប់រយៈពេល ៣ ខែបន្ថែមផងដែរ។ សហគ្រាស និងអាជីវកម្មក្នុងវិស័យទេសចរណ៍ត្រូវរួមចំណែកតាមគោលការណ៍ស្ម័គ្រចិត្ត និងតាមលទ្ធភាពជាក់ស្តែងបន្ថែមលើអ្វីដែលរដ្ឋាភិបាលបានផ្តល់ជូន។ ភាពទទួលខុសត្រូវរបស់រដ្ឋាភិបាល តើលោកមានទឹកចិត្តយ៉ាងណាដែរ?
៤. ការសម្រេចចិត្ត របស់រាជរដ្ឋាភិបាល នឹងបន្តលើកលែងការបង់ពន្ធប្រចាំខែគ្រប់ប្រភេទចំពោះសណ្ឋាគារ ផ្ទះសំណាក់ ភោជនីយដ្ឋាន និង ក្រុមហ៊ុនភ្នាក់ងារទេសចរណ៍ដែលបានចុះបញ្ជីជាមួយអគ្គនាយកដ្ឋានពន្ធដារសម្រាប់រយៈពេល ៣ ខែ និងបន្តលើកលែងការបង់ភាគទានរបបសន្តិសុខសង្គម ផ្នែកហានិភ័យការងារ និងផ្នែកថែទាំសុខភាពនៃបេឡាជាតិសន្តិសុខសង្គម ក្នុងអំឡុងពេលព្យួរអាជីវកម្ម ឬផ្អាកដំណើរការអាជីវកម្ម។ លោកយល់ឃើញយ៉ាងណាដែរ ការសម្រេចចិត្តមួយនេះ?
៥. បើតាមសេចក្តីប្រកាសព័ត៌មានរាជរដ្ឋាភិបាល សម្រេចដាក់ចេញនូវវិធានការបន្ថែមសម្រាប់ជុំទី ១០គឺក្នុងបំណងបន្តជួយកាត់បន្ថយផលប៉ះពាល់នៃវិបត្តិជំងឺកូវីដ ១៩ មកលើស្ថានភាពសង្គមសេដ្ឋកិច្ច។ មានការលើកឡើងថា អ្វីដែលរដ្ឋាភិបាលធ្វើជុំទី ១០ នេះគឺសម្រាប់ជួយដល់ប្រជាពលរដ្ឋដែលរងគ្រោះអំពីការផ្អាក និងព្យួរការងារដោយសារតែរោងចក្រមួយចំនួន ឬវិស័យមួយចំនួនដូចជាវិស័យទេសចរណ៍ជាដើមដែលត្រូវបានផ្អាក»។ តាមការយល់ឃើញរបស់លោកផ្ទាល់«ការបន្តជួយប្រាក់ឧបត្ថម្ភពិតជារួមចំណែក អ្វីខ្លះដល់ កម្មករ និយោជិត?
