សម្តេចតេជោ ហ៊ុន សែន មានជំនឿថា ការបើកប្រទេសឡើងវិញលើកនេះ គឺមិនថយក្រោយទេ ដោយសារតែប្រពលរដ្ឋកម្ពុជា សុទ្ធសឹងតែស្ម័គ្រចិត្តទទួលយកវ៉ាក់សាំងកតព្វកិច្ច ដែលរាជរដ្ឋាភិបាលបានរៀបចំជូន តាមនយបាយវ៉ាក់សាំង របស់រាជរដ្ឋាភិបាល។ ការបញ្ជាក់នេះ ធ្វើឡើងក្នុងឱកាសអញ្ជើញសម្ពោធដាក់ឲ្យប្រើប្រាស់ជាផ្លូវការ «ស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មារ ឬស្ពានភ្ជាប់និស្ស័យ» នៅព្រឹកថ្ងៃទី២៣ ខែវិច្ឆិកា ឆ្នាំ២០២១។