ទំព័រដើមទូរទស្សន៍កម្មវិធីព័ត៌មានហោរាសាស្រ្តអាជីពប្រចាំថ្ងៃចន្ទ ១០រោច ខែកត្តិក ឆ្នាំឆ្លូវ​ ត្រីស័ក ព.ស.​២៥៦៥ ត្រូវនឹងថ្ងៃទី២៩ ខែវិច្ឆ...

ហោរាសាស្រ្តអាជីពប្រចាំថ្ងៃចន្ទ ១០រោច ខែកត្តិក ឆ្នាំឆ្លូវ​ ត្រីស័ក ព.ស.​២៥៦៥ ត្រូវនឹងថ្ងៃទី២៩ ខែវិច្ឆិកា ឆ្នាំ២០២១

ឆ្នាំជូត សម្រាប់លោកអ្នកដែលកើតឆ្នាំជូត នាមសត្វកណ្តុរ ធាតុទឹក ពង្សទេវតាប្រុស។ រាសីលោកអ្នកក្នុងថ្ងៃនេះស្រុតចុះ។ រាល់កិច្ចការងារ និងអាជីវកម្មហាក់នៅទ្រឹង ព្រមទាំងប្រឈមជាមួយការបាត់បង់ឳកាសក្នុងជំនួញ។ សូមយកចិត្តទុកដាក់គ្រប់អ្វីៗដែលបានកើតឡើង ហើយដោះស្រាយឲ្យបានម៉ត់ចត់។ ក្នុងស្ថានភាពខ្លះ ប្រសិនបើអ្នកមិនអាចរកវិធីដោះស្រាយទេ ចូរកុំបង្អង់យូរ អ្នកគួររកមនុស្សដែលទុកចិត្តមកពិភាក្សា។ ទន្ទឹមនឹងនោះ ចូរធ្វើទំនាក់ទំនងជាមួយមនុស្សនៅជុំវិញខ្លួនឲ្យបានច្រើន ប៉ុន្តែត្រូវចេះគិតគូរពិចារណារាល់ពាក្យសំដី ប្រយ័ត្នចាញ់បញ្ឆោតគេ។

ឆ្នាំឆ្លូវ សម្រាប់លោកអ្នកដែលមានកំណើតឆ្នាំឆ្លូវ នាមសត្វគោ ធាតុដី ពង្សមនុស្សប្រុស។​ រាសីអស់លោកអ្នកនៅក្នុងថ្ងៃនេះល្អជាមធ្យម។ ចូរចាប់ផ្តើមថ្ងៃនេះជាមួយភាពរួសរាយរាក់ទាក់។ សុភមង្គលក្នុងចិត្តនៅថ្ងៃនេះ នឹងបណ្តាលវាសនាអ្នកទៅរកសំណាង និងលាភធំក្នុងមុខរបរ និងការងារ។ សូមចងចាំថា បរាជ័យក្នុងវិជ្ជាជីវៈ មិនមែនជាហេតុផលឲ្យអ្នកថយក្រោយ ឬឈប់ទ្រឹងនោះទេ។ ចូររក្សាចិត្តគំនិតស្មោះត្រង់ជានិច្ច។ សូមលោកអ្នកគិតគូរពីបញ្ហាសេដ្ឋកិច្ចឲ្យបានតឹងរ៉ឹង ហើយមិនគួរពាក់ព័ន្ធនឹងការខ្ចីបុលនោះទេ។

ឆ្នាំខាល សម្រាប់លោកអ្នកដែលមានកំណើតឆ្នាំខាល នាមសត្វខ្លា ធាតុឈើ ពង្សយក្សស្រី។ រាសីលោកអ្នកក្នុងថ្ងៃនេះឡើងខ្ពស់ត្រដែត។ លោកអ្នកនឹងទទួលបានលាភសំណាងយ៉ាងច្រើនក្នុងមុខរបរអាជីវកម្ម​ និងកិច្ចការងារ។ លោកអ្នកជាម្ចាស់ ឬជាអ្នកដឹកនាំក្រុមការងារទៅរកភាពជោគជ័យ ប៉ុន្តែត្រូវគោរពមនុស្សនៅជុំវិញខ្លួនឲ្យបានច្រើន។ លោកអ្នកនឹងទទួលបានទំនុកចិត្តខ្លាំងពីមនុស្សជុំវិញខ្លួន ពិសេសមិត្តរួមការងារ ដូច្នេះសូមកុំខ្វាយខ្វល់ លោកអ្នកនឹងទទួលបានជោគជ័យ។ ចំពោះការសាងសង់ផ្ទះសំបែង និងការរៀបចំពិធីនានាគឺប្រព្រឹត្តិទៅបានយ៉ាងល្អប្រសើរ។

ឆ្នាំថោះ សម្រាប់លោកអ្នកដែលមានកំណើតឆ្នាំថោះ នាមសត្វទន្សាយ ធាតុឈើ ពង្សមនុស្សស្រី។ រាសីអស់លោកអ្នកក្នុងថ្ងៃនេះល្អជាមធ្យម។ ថ្ងៃនេះកិច្ចការងារ និងរបររកស៊ីជួញដូររបស់អ្នកមានដំណើរការទៅដោយរលូន និងមានអ្នកគាំទ្រច្រើនណាស់។ សូមខំប្រឹងប្រែងធ្វើកិច្ចការងារដោយដៃអ្នកផ្ទាល់ ហើយធ្វើទំនាក់ទំនងល្អជាមួយមនុស្សជាច្រើននៅជុំវិញខ្លួន ពិសេសជាមួយថ្នាក់លើ។ កុំធ្វើឲ្យខកខានឳកាសរៀនសូត្រថ្មីៗ ប៉ុន្តែចូរធ្វើឲ្យល្មមកុំឲ្យលើស។ រាសីអ្នកថ្ងៃនេះ ពោរពេញទៅដោយសុភមង្គលនៅក្នុងអារម្មណ៍។ សម្រាប់ទំនាក់ទំនងផ្ទាល់ខ្លួន លោកអ្នកមានការផ្លាស់ប្តូរដែលល្អៗ។

ឆ្នាំរោង ​សម្រាប់លោកអ្នកដែលមានកំណើតឆ្នាំរោង នាមសត្វនាគ ធាតុមាស ពង្សទេវតាប្រុស។ រាសីអស់លោកអ្នកក្នុងថ្ងៃនេះឡើងខ្ពស់ត្រដែត។ លោកអ្នកនឹងទទួលបានភាពជោគជ័យពេញមួយថ្ងៃ។ ការងារ រកទទួលទានមានបាន នឹងរីកចម្រើនយ៉ាងខ្លាំង។ លោកអ្នកអាចចាប់ផ្តើមកិច្ចការបណ្តាក់ទុន ឬផ្លាស់ប្តូរការងារដែលខ្លួនបានគ្រោងទុក។ ដោយឡែកក្នុងថ្ងៃនេះជម្លោះ ឬបញ្ហាកន្លងមកនឹងអាចដោះស្រាយបានយ៉ាងងាយ ​ប៉ុន្តែត្រូវមានភាពទន់ភ្លន់ និងគោរពភាពពិត។ សូមចាប់យកកិច្ចការងារឲ្យបានឆាប់រហ័សមុនគេ ដើម្បីជោគជ័យ។ ថ្ងៃនេះ

ជាពេលវេលាល្អ សម្រាប់ការទិញចូលអចលនទ្រព្យនានាផងដែរ។

ឆ្នាំម្សាញ់ សម្រាប់លោកអ្នកដែលមានកំណើតឆ្នាំម្សាញ់ នាមសត្វពស់ ធាតុភ្លើង ពង្សមនុស្សប្រុស។ ​​ រាសីលោកអ្នកក្នុងថ្ងៃនេះល្អជាមធ្យម។ មុខរបររកស៊ីជួញដូរ និងកិច្ចការងារផ្សេងៗដំណើរការទៅយ៉ាងរលូន គ្មានអ្វីមកបង្អាក់បំណងប្រាថ្នាអ្នកទេ ប៉ុន្តែសូមរក្សាចិត្តសប្បុរស បំភ្លេចរឿងមួយចំនួនដែលគ្មានប្រយោជន៍។ ថ្ងៃនេះលោកអ្នកមានមនុស្សចាំមើលបំណាំ និងរកវិធីបង្អាក់ភាពជោគជ័យរបស់អ្នកផងដែរ ដូច្នេះសូមគ្រប់គ្រងស្ថានការណ៍។ រាល់វិធីសាស្រ្តការងារ និងមុខជំនួញគួររក្សាឲ្យបានល្អបំផុត។

ឆ្នាំមមី សម្រាប់លោកអ្នកដែលមានកំណើតឆ្នាំមមី នាមសត្វសេះ ធាតុភ្លើង ពង្សទេវតាសី្រ។ រាសីអស់លោកអ្នកនៅក្នុងថ្ងៃនេះល្អជាមធ្យម។ មុខរបរជួញដូរ និងកិច្ចការងារចម្រើនលូតលាស់ជាធម្មតា។ ចូររក្សាទំនាក់ទំនងជាមួយមនុស្សជុំវិញខ្លួន កុំធ្វើដឹងជាមួយរឿងដែលមិនបានការ ជាពិសេសរាល់ករណីជម្លោះ ឬមតិរិះគន់ត្រូវជៀសវាងជាដាច់ខាត។ ប្រសិនបើចង់សម្រេចចិត្តលើកិច្ចការធំ ចូរពិគ្រោះយោបល់នឹងមនុស្សជិតស្និទ្ធ ពិសេសជាមួយក្រុមការងារដែលយល់ដឹងស្ថានការណ៍។ ចំពោះការផ្លាស់ប្តូរការងារ មិនគួរធ្វើពេលនេះទេ ព្រោះលោកអ្នកអាចនឹងស្ថិតក្នុងខ្សែបណ្តោយដែលមិនច្បាស់លាស់។

ឆ្នាំមមែ សម្រាប់លោកអ្នកដែលមានកំណើតឆ្នាំមមែ នាមសត្វពពែ ធាតុមាស ពង្សទេវតាសី្រ។ រាសីអស់លោកអ្នកនៅក្នុងថ្ងៃនេះល្អជាមធ្យម។ ថ្ងៃនេះអ្នកអាចមានបញ្ហាតិចតួចរាំងស្ទះ ប៉ុន្តែចូរកុំបារម្ភ លោកអ្នកមានសមត្ថភាពដោះស្រាយវាបានដោយរលូន តាមរយៈការប្រើប្រាស់ ទេពកោសល្យ និងចំណេះដឹងដែលអ្នកមាន។ សូមរក្សាចិត្តគំនិត និងអាកប្បកិរិយា កុំធ្វើឲ្យហួសហេតុ ព្រោះបណ្តាលឲ្យកាត់លាភ និងមានគ្រោះក្នុងការងារ។ ថ្ងៃនេះលោកអ្នកមានលទ្ធភាពគ្រប់គ្រាន់យល់ដឹងពីស្ថានការណ៍បានលឿន និងអាចរកមធ្យោបាយដោះស្រាយយ៉ាងប្រសើរផងដែរ។

ឆ្នាំវក សម្រាប់លោកអ្នកដែលមានកំណើតឆ្នាំវក នាមសត្វស្វា ធាតុដែក ពង្សយក្សប្រុស។ រាសីលោកអ្នកក្នុងថ្ងៃនេះសុ្រតចុះ។ ការងារដែលអ្នកកំពុងធ្វើនឹងមិនទាន់អាចហុចផលល្អប្រសើរនោះទេ។ ចំណែកការបណ្តាក់ទុន សូមផ្អាកសិន ពីព្រោះសញ្ញាណនៃភាពជោគជ័យជាទីមោទនមិនទាន់បានឃើញនោះទេ។ ថ្ងៃនេះសូមប្រើចំណេះដឹង និងបទពិសោធន៍ឲ្យខ្លាំងបំផុត។ អារម្មណ៍របស់អ្នកហាក់គ្មានសុវត្ថិភាពនោះទេ ដូច្នេះជួបជុំ និងសុំការពិភាក្សាពីមនុស្សដែលនៅក្បែរជាការល្អ។ ចំពោះការសម្រេចចិត្តប្រើប្រាស់លុយកាក់លើផ្នែកអចលន និងចលនទ្រព្យ គួរតែមានការប្រុងប្រយ័ត្ន ពិសេសគួរមានគ្នាជាចាំបាច់។

ឆ្នាំរកា សម្រាប់លោកអ្នកដែលមានកំណើតឆ្នាំរកា នាមសត្វមាន់ចែ ធាតុដែក ពង្សយក្សប្រុស។ រាសីអស់លោកអ្នកនៅក្នុងថ្ងៃនេះឡើងខ្ពស់ត្រដែត។ ថ្ងៃនេះរាល់កិច្ចការដែលអ្នកបានធ្វើនឹងអាចសម្រេចបានតាមបំណងប្រាថ្នា ដូច្នេះកុំមានក្តីបារម្ភឡើយ។ លោកអ្នកអាចនឹងទទួលបានដំណឹងសម្រាប់ដំណើរផ្លូវឆ្ងាយផងដែរ។ ថ្ងៃនេះរឿងល្អៗនឹងចូលក្នុងជីវិតអ្នក ដូច្នេះសូមរៀបចំគម្រោងការទទួលយកលាភសំណាងមករក្សាទុក។ ត្រូវធ្វើការដោយម៉ត់ចត់ សន្សឹមៗ និងកុំចោលការពិភាក្សា។ ក្នុងរយៈពេលនេះ ប្រសិនបើអ្នកមានលទ្ធភាពក្នុងការប្រើប្រាស់លុយកាក់ នោះនឹងទទួលបានផលចំនេញច្រើន។ ក្នុងពេលស្របគ្នា សូមមានចិត្តស្មោះត្រង់នឹងដៃគូរបស់អ្នកជាចាំបាច់។

ឆ្នាំចរ សម្រាប់លោកអ្នកដែលមានកំណើតឆ្នាំចរ នាមសត្វឆ្កែ ធាតុដី ពង្សយក្សស្រី។ រាសីលោកអ្នកក្នុងថ្ងៃនេះស្រុតចុះ។ ភាពស្មុគ្រស្មាញប្រទាក់ក្រឡាច្រើនចំពោះការងារ និងមុខរបររបស់អ្នក ដូច្នេះសូមព្យាយាមរិះរកមធ្យោបាយថ្មី ហើយប្រសិនបើអ្នកជាប់គាំង ដោយមិនដឹងថាគួរដើរផ្លូវណា សូមកុំនៅស្ងៀម ពិភាក្សាជាមធ្យោបាយល្អ។ សូមមានភាពឆ្លាតវៃ និងមើលឲ្យបានឆ្ងាយ។ ថ្ងៃនេះអ្នកអាចស្រលាញ់ចូលចិត្តមនុស្សជាច្រើន ព្រោះភាពទន់ភ្លន់របស់ពួកគេ ប៉ុន្តែសូមប្រយ័ត្នចាញ់បោកគេ។ ទន្ទឹមនឹងនេះ គឺហាមដាច់ខាតការឈ្លោះប្រកែកគ្នា លោកអ្នកគួរចាកចេញពីស្ថានភាពតានតឹងនានាទើបមិនធ្វើឲ្យប៉ះពាល់ដល់ការងារ។

ឆ្នាំកុរ​ សម្រាប់លោកអ្នកដែលមានកំណើតឆ្នាំកុរ  នាមសត្វជ្រូក ធាតុទឹក ពង្សមនុស្សស្រី។ រាសីលោកអ្នកល្អឡើងខ្ពស់ត្រដែត។ ថ្ងៃនេះកិច្ចការងាររបស់លោកអ្នកនឹងអាចសម្រេចទៅបានដោយទិន្នផលយ៉ាងល្អប្រសើរជាទីបំផុត។ លោកអ្នកមានលាភមានជ័យ លុយកាក់ហូរចូលមហាសាល ដូច្នេះបើចង់រករបរ ឬការងារអ្វីថ្មីកុំបង្អង់យូរ។ ថ្ងៃនេះរូបរាង និងស្នាមញញឹមរបស់អ្នកទាក់ទាញមនុស្សផងគ្នាឲ្យជួយគាំទ្រ​ ​និងយកអាសារ។ សូមថ្លឹងថ្លែងពេលវេលា និងយកចិត្តទុកដាក់សុខភាព ពិសេសផ្នែកខួរក្បាល និងការចងចាំ។ ដោយឡែក លោកអ្នកទទួលបានអំណោយផលដ៏ល្អប្រសើរក្នុងការដោះស្រាយ និងទាក់ទាញទឹកចិត្តមនុស្សដែលនៅក្បែរខ្លួន។

ចំណាំៈ           

ឆ្នាំទាំង៤ ខាល រោង រកា កុរ រាសីឡើងខ្ពស់ត្រដែត។ លោកអ្នកអាចសម្រេចចិត្តផ្លាស់ប្តូរស្ថានភាពការងារបាន។ ហើយក្នុងពេលស្របគ្នា លុយកាក់ ទ្រព្យសម្បតិ្ត លាភសំណាងនឹងអាចហូរចូលផ្ទះលោកអ្នកតែម្តង។

- Advertisement -spot_img
spot_img
ហេង វណ្ណា
លោក ហេង វណ្ណា តួនាទីជាអ្នក គ្រប់គ្រងព័ត៌មានពេលព្រឹក ព័ត៌មានថ្មីទាន់ហេតុការណ៍ និង ឯកសារនយោបាយ ព្រមទាំងអាចកាត់-ត វីដេអូ បង្ហោះព័ត៌មានលើគេហទំព័រ ថត រាយការណ៍ព័ត៌មាន។ គាត់ មានទំនាក់ទំនងការទូតល្អ ជាមួយអង្គភាព ស្ថាប័នផ្សេងៗ នៅកម្ពុជា គុណសម្បត្តិទាំងអស់នេះ នឹងផ្ដល់ជូនមិត្តអ្នកអាននូវព័ត៌មាន ប្រកបដោយវិជ្ជាជីវៈ និង ចំណេះដឹងថ្មីៗ៕

ព័ត៌មានជាប់ទាក់ទង

- Advertisement -spot_img

អត្ថបទវិភាគ

ព័ត៌មានថ្មី

- Advertisement -spot_imgspot_img

ព័ត៌មានពេញនិយម