ទំព័រដើមព័ត៌មានបារបាដូសត្រៀមដកព្រះមហាក្សត្រីអង់គ្លេសចេញពីប្រមុខរដ្ឋ ហើយបង្កើតសាធារណរដ្ឋ

បារបាដូសត្រៀមដកព្រះមហាក្សត្រីអង់គ្លេសចេញពីប្រមុខរដ្ឋ ហើយបង្កើតសាធារណរដ្ឋ

នៅ​ថ្ងៃ​អង្គារ​ ទី​៣០នេះ​ ប្រទេស​បារបាដូស​នឹង​ក្លាយ​ជា​សាធារណរដ្ឋ​មួយ​ បន្ទាប់​ពី​ពួកគេ​ដក​ព្រះ​មហាក្សត្រី​អង់គ្លេស​ចេញ​ពី​តំណែង​ជា​ប្រមុខ​រដ្ឋ ដោយ​អង្គ​អភិបាល និង​តំណាង​របស់​ព្រះ​មហាក្សត្រី​អង់គ្លេស​លោក​ស្រី​សាន់ដ្រា មេសូន​ ត្រូវ​បាន​សភា​បារបាដូស​តែងតាំង​ជា​ប្រធានាធិបតី​។

ប្រទេស​បារបាដូស​បាន​ទទួល​ឯករាជ្យ​ពី​ចក្រភព​អង់គ្លេស​កាល​ពី​ឆ្នាំ​ ១៩៦៦ ប៉ុន្តែ​រហូត​មក​ដល់​ពេល​នេះ​បាន​រក្សា​ព្រះ​មហាក្សត្រី​អេលីសាបិត​ជា​ប្រមុខ​រដ្ឋ ដូច​ក្នុង​ករណី​អតីត​អាណានិគម​អង់គ្លេស​មួយ​ចំនួន​ ដែល​រួមមាន​កាណាដា និង​អូស្ត្រាលី​។

រដ្ឋាភិបាល​បារបាដូស​បាន​គ្រោង​រៀប​ចំ​ការ​ប្រារព្ធ​ពិធី​បង្កើត​សាធារណរដ្ឋ​ដើម្បី​ស្រប​នឹង​ថ្ងៃ​បុណ្យ​ឯករាជ្យ​បារបាដូស​ថ្ងៃ​ទី​ ៣០ វិច្ឆិកា​។ រជ្ជទាយាទ​រាជបល្ល័ង្ក​អង់គ្លេស​ព្រះអង្គម្ចាស់​សាល​ នឹង​ចូល​រួម​ក្នុង​ការ​ប្រារព្ធ​ពិធី​នេះ​។

ការ​ស្ទង់​មតិ​ប្រជាជន​មួយ​ចំនួន​នៅ​លើ​រដ្ឋធានី​កោះ​នេះ​ បាន​រក​ឃើញ​ថា​ពួកគេ​នៅ​តែ​មិន​ទាន់​យល់​អំពី​អត្ថន័យ​នៃ​ការ​ផ្លាស់​ប្ដូរ​ពី​របប​រាជនិយម​ទៅ​ជា​សាធារណរដ្ឋ​ និង​ថា​តើ​អាច​នឹង​ប៉ះពាល់​អ្វី​ខ្លះ​ដល់​ពួកគេ​។

គេ​រំពឹង​ថា​ការ​ផ្លាស់​ប្ដូរ​នេះ​នឹង​មិន​ប៉ះពាល់​អ្វី​ធ្ងន់ធ្ងរ​ដល់​លើ​ពាណិជ្ជកម្ម ឬ​ស្ថានភាព​សេដ្ឋកិច្ច​ទាំង​មូល​របស់​កោះ​នេះ​ទេ​។ វិស័យ​ទេសចរណ៍ ដែល​ជា​ភ្នែក​ដ៏​សំខាន់​របស់​សេដ្ឋកិច្ច​បារបាដូស​ បាន​ធ្លាក់​ចុះ​យ៉ាង​ខ្លាំង​ទៅ​ហើយ​ ដោយ​សារ​ការ​រីក​រាលដាល​របស់​ជំងឺ​កូវីដ-១៩ នៅ​ជុំវិញ​ពិភពលោក​៕​

ប្រភព៖ Reuters

- Advertisement -spot_img
spot_img
ឆាយ រត្ថា
លោក ឆាយ រត្ថា ជាបុគ្គលិកផ្នែកព័ត៌មានវិទ្យា នៃអគ្គនាយកដ្ឋានវិទ្យុ និងទូរទស្សន៍ អប្សរា

ព័ត៌មានជាប់ទាក់ទង

- Advertisement -spot_img

អត្ថបទវិភាគ

ព័ត៌មានថ្មី

- Advertisement -spot_imgspot_img

ព័ត៌មានពេញនិយម