តម្លៃរូបិយប័ណ្ណ Lira របស់តួកគីធ្លាក់ចុះដល់កម្រិតទាបបំផុត ខណៈរដ្ឋាភិបាលប្រកាន់ជំហរលើគោលនយោបាយរបស់ខ្លួន
តម្លៃរូបិយប័ណ្ណលីរ៉ា (Lira) របស់តួកគីធ្លាក់ចុះដល់ ៤,៧ ភាគរយ ឬស្មើនឹង ១៣,៤៥ ក្នុងមួយដុល្លារកាលពីថ្ងៃអង្គារ បន្ទាប់ពីលោកប្រធានាធិបតី Tayyip Erdogan បង្ហាញការគាំទ្រជាថ្មីលើគោលនយោបាយការកាត់បន្ថយអត្រាការប្រាក់របស់លោកដែលអ្នករិះគន់ថាធ្វើឱ្យខូចដល់រូបិយប័ណ្ណ និងជាកត្តាជំរុញនៃកំណើនអតិផរណា។
ការធ្លាក់ចុះដល់កម្រិតទាបបំផុតថ្មីនេះ ក៏ត្រូវបានគេមើលឃើញថា កើតមានឡើងបន្ទាប់ពីប្រធានធនាគារកណ្ដាលអាមេរិកលោក Jerome Powell និយាយថា ជាការសមស្របក្នុងការពិចារណាបញ្ចប់ការកាត់បន្ថយការទិញទ្រព្យសកម្មរបស់ធនាគារកណ្តាលពីរបីខែមុនជាងការរំពឹងទុកពីមុន។
ខណៈពេលដែលធនាគារកណ្តាលនានាភាគច្រើននិយាយអំពីគោលនយោបាយរឹតបន្តឹង តួកកីកាត់បន្ថយអត្រាការប្រាក់កម្ចីចំនួន ៤ ភាគរយចាប់តាំងពីខែកញ្ញា។ តម្លៃរបស់រូបិយប័ណ្ណលីរ៉ាធ្លាក់ចុះរហូតដល់ ៤៥ ភាគរយចាប់ពីដើមឆ្នាំ និងជាង ២៧ ភាគរយរាប់ចាប់តាំងពីធនាគារកណ្តាលចាប់ផ្តើមបន្ធូរបន្ថយគោលនយោបាយរបស់ខ្លួនតាមលោក Erdogan ក្នុងខែកញ្ញា។ តម្លៃទំនិញប្រើប្រាស់ប្រចាំឆ្នាំរបស់ប្រទេសតួកគីវិញ កើនឡើងរហូតដល់ ១៩,៩ ភាគរយក្នុងខែតុលា ដែលស្ទើរតែបួនដងនៃគោលដៅផ្លូវការ។
ក្នុងបទសម្ភាសន៍ជាមួយទូរទស្សន៍រដ្ឋ TRT លោក Erdogan និយាយថា តួកគីនឹងមិនមានការងាកក្រោយពីទិសដៅគោលនយោបាយថ្មីនោះទេ។ លោកបន្តថា៖ «យើងនឹងមើលឃើញថា អត្រាការប្រាក់នឹងធ្លាក់ចុះគួរឲ្យកត់សម្គាល់ ហេតុដូច្នេះហើយបានជានឹងមានការកែលម្អអត្រាប្តូរប្រាក់មុនការបោះឆ្នោត»។
លោក Brian Jacobsen អ្នកយុទ្ធសាស្រ្តវិនិយោគជាន់ខ្ពស់នៅក្រុមហ៊ុន Allspring Global Investments និយាយថា៖ «ការនាំចូលទំនងជានឹងឡើងថ្លៃនៅពេល Lira ធ្លាក់ចុះ ដែលធ្វើឱ្យអតិផរណាកាន់តែអាក្រក់។ ការវិនិយោគបរទេសក៏មានការភ័យខ្លាច ដែលធ្វើឱ្យវាពិបាកក្នុងការលូតលាស់ផ្នែកហិរញ្ញវត្ថុ។ ការផ្លាស់ប្តូរលំនាំដើមឥណទានកំពុងកំណត់តម្លៃក្នុងហានិភ័យខ្ពស់នៃលំនាំដើម»។
ប្រភព៖ Aljazeera
