ថៃថា ខ្លួនមានករណីបប្លែងថ្មី អូមីក្រុង ហើយ
ថៃបានប្រកាសពីការរកឃើញករណីវីរុសកូវីដ បប្លែងថ្មី អូមីក្រុង លើកដំបូង រកឃើញឆ្លងលើពាណិជ្ជករអាមេរិកកាត់ថៃម្នាក់ ដែលធ្វើដំណើរចូលប្រទេស ពីប្រទេសអេស្ប៉ាញ នេះបើតាមមន្ត្រីជាន់ខ្ពស់ក្រសួងសុខាភិបាលថៃ ប្រកាស នាថ្ងៃទី៦ ធ្នូ ២០២១នេះ។
ប្រភពថា ការរកឃើញថាឆ្លងនេះ បន្ទាប់ពីធ្វើតេស្តរហ័សផង និងតេស្ត PCR ផង ទៅលើបុរសវ័យ៣៥ឆ្នាំរូបនេះ។
គេដឹងថា បុរសរូបនេះបានរស់នៅអេស្ប៉ាញ រយៈពេល១ឆ្នាំ មុនពេលទៅដល់ប្រទេសថៃវិញ ថ្មីៗនេះ តាមជើងហោះ EK372 ពីឌុបៃ ទៅកាន់សុវណ្ណភូមិ ប៉ុន្តែមិនបង្ហាញរោគសញ្ញាអ្វីទេ៕ ប្រភពពីបាងកកប៉ុស្តិ៍
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ
