ភ្នំពេញ ៖ នៅព្រឹកថ្ងៃច័ន្ទ ៩កើត ខែមិគសិរ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៣ ខែធ្នូ ឆ្នាំ២០២១ ឯកឧត្ដម ឧត្ដមសេនីយ៍ឯក កុសល ភិរម្យ អគ្គនាយករង នៃអគ្គនាយកដ្ឋានភស្តុភារ និងហិរញ្ញវត្ថុ ក្រសួងមហាផ្ទៃ អញ្ជើញដឹកនាំកិច្ចប្រជុំប្រកាសសមាសភាពក្រុមការងារ ចងក្រងរៀបចំសមិទ្ធផលការងាររបស់អគ្គនាយកដ្ឋានភស្តុភារ និងហិរញ្ញវត្ថុ ចាប់ពីអាណត្តិទី១ នៃរាជរដ្ឋាភិបាលកម្ពុជារហូតមកដល់បច្ចុប្បន្ន។ កិច្ចប្រជុំនេះមានការអញ្ជើញចូលរួមពី ឯកឧត្ដមប្រធាននាយកដ្ឋាន-ប្រធានស្ថានីយ៍ លោកអនុប្រធាននាយកដ្ឋាន លោកនាយការិយាល័យ និងមន្ត្រីពាក់ព័ន្ធជាច្រើនរូបផងដែរ។ដោយ-រ៉ាវុធ