រដ្ឋបាលលោក បៃដិន កំពុងស្វែងរកការពង្រឹកកិច្ចសហប្រតិបត្តិការសេដ្ឋកិច្ច និងសន្តិសុខ ខណៈប្រមុខការទូតអាមេរិកចាប់ផ្តើមធ្វើទស្សនកិច្ចនៅអាស៊ីអាគ្នេយ៍
វ៉ាស៊ីនតោន៖ រដ្ឋបាលរបស់លោក ចូ បៃដិន នឹងស្វែងរកការលើកកម្ពស់កិច្ចសហប្រតិបត្តិការផ្នែកសន្តិសុខ និងសេដ្ឋកិច្ចជាមួយបណ្តាប្រទេសអាស៊ីអាគ្នេយ៍ តាមរយៈដំណើរទស្សនកិច្ចរបស់ប្រមុខការទូតរបស់ខ្លួនទៅកាន់តំបន់នេះនៅក្នុងសប្តាហ៍នេះ ស្របដែលពេលទីក្រុងវ៉ាស៊ីនតោនកំពុងធ្វើការដើម្បីបង្កើតរណសិរ្សរួបរួម ប្រឆាំងនឹងឥទ្ធិពលចិននៅតំបន់ឥណ្ឌូ-ប៉ាស៊ីហ្វិក។
រដ្ឋមន្ត្រីការបរទេសអាមេរិក លោក អាន់តូនី ប្លីងខិន បានចាប់ផ្តើមធ្វើទស្សនកិច្ចទៅកាន់ប្រទេសឥណ្ឌូណេស៊ី ក្នុងដំណើរបំពេញទស្សនកិច្ចនៅអាស៊ីអាគ្នេយ៍ជាលើកដំបូងរបស់លោក មុនពេលបន្តទៅកាន់ប្រទេសម៉ាឡេស៊ី និងថៃ។ លោក ប្លីងខិន ត្រូវបានគេរំពឹងថា នឹងដោះស្រាយបញ្ហាសុខភាព ការវិនិយោគ និងហេដ្ឋារចនាសម្ព័ន្ធនៅក្នុងតំបន់ឥណ្ឌូ-ប៉ាស៊ីហ្វិកជាមួយសមភាគីរបស់លោក។
ការធ្វើដំណើរលើកដំបូងរបស់លោក ប្លីងខិន ទៅកាន់តំបន់នេះ គឺធ្វើតាមការអត្ថាធិប្បាយរបស់លោកនៅឯមហាសន្និបាតអង្គការសហប្រជាជាតិក្នុងខែកញ្ញា ដែលកាលនោះ លោកបានសន្យាថា នឹងបង្កើតយុទ្ធសាស្ត្រថ្មីគាំទ្រលទ្ធិប្រជាធិបតេយ្យ និងសន្តិសុខនៅក្នុងតំបន់នេះ។ ដំណើរទស្សនកិច្ចរបស់ប្រមុខការទូតអាមេរិករូបនេះដែរ បានបង្ហាញពីកិច្ចខិតខំប្រឹងប្រែងរបស់សហរដ្ឋអាមេរិក ដើម្បីប្រឆាំងនឹងការកើនឡើងនៃឥទ្ធិពលក្នុងតំបន់របស់ប្រទេសចិន និងការឈរជើងនៅសមុទ្រចិនខាងត្បូង៕ ប្រភព៖ CNA