កូរ៉េខាងត្បូងត្រៀមខ្លួនចូលរួមក្នុងកិច្ចព្រមព្រៀងពាណិជ្ជកម្មសេរី CPTPP
កូរ៉េខាងត្បូងនឹងត្រៀមខ្លួនក្នុងការចូលជាសមាជិកនៃកិច្ចព្រមព្រៀងពាណិជ្ជកម្មសេរីអន្តរ-ប៉ាស៊ីហ្វិកគ្រប់ជ្រុងជ្រោយ និងវឌ្ឍនភាព (CPTPP)។ នេះបើតាមការលើកឡើងរបស់លោក Hong Nam-ki រដ្ឋមន្ត្រីក្រសួងហិរញ្ញវត្ថុនៅក្នុងថ្ងៃច័ន្ទនេះ។
លោកបាននិយាយក្នុងកិច្ចប្រជុំគោលនយោបាយមួយថា៖ «កូរ៉េខាងត្បូងនឹងផ្ដួចផ្ដើមនីតិវិធីពាក់ព័ន្ធមួយចំនួន ដោយផ្អែកលើស្មារតីនៃកិច្ចពិភាក្សាជាមួយភាគីពាក់ព័ន្ធនានា ដើម្បីឱ្យក្លាយជាសមាជិករបស់ CPTPP»។
កិច្ចព្រមព្រៀងពាណិជ្ជកម្ម CPTPP មានសមាជិក ១០ប្រទេសដូចជា កាណាដា ប្រ៊ុយណេ ឈីលី ជប៉ុន ម៉ាឡេស៊ី ម៉ិកស៊ីកូ នូវែលហ្សេឡង់ ប៉េរូ និងសិង្ហបុរី។
CPTPP ដើមឡើយកិច្ចព្រមព្រៀងអន្តរ-ប៉ាស៊ីហ្វិក (TPP) ដោយកាលនោះក៏មានអាមេរិកដែរ។ ក្រោយពីអាមេរិកដកខ្លួនចេញកាលពីឆ្នាំ២០១៧ ជប៉ុនបានផ្ដួចផ្ដើមក្នុងការកែសម្រួលកិច្ចព្រមព្រៀង TPP នេះ ឱ្យទៅជា CPTPP តែម្ដង។
នៅពេលនេះ ក្រៅពីកូរ៉េខាងត្បូង ប្រទេសចិន តៃវ៉ាន់ ក៏ដូចជាចក្រភពអង់គ្លេស ក៏ស្នើសុំក្លាយជាសមាជិក CPTPP នេះដែរ៕
ប្រភព៖ Nikkie Asia
