ភ្នំពេញ៖ ក្នុងពិធីសម្ពោធដាក់ឱ្យប្រើប្រាស់ជាផ្លូវការ អគាររដ្ឋបាល អគារសាលាជាតិគយ និងអគារសារមន្ទីរគយ នៃអគ្គនាយកដ្ឋានគយ និងរដ្ឋាករកម្ពុជា នៅព្រឹកថ្ងៃទី២៣ ខែធ្នូ ឆ្នាំ២០២១ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានបញ្ជាក់ជាថ្មីម្តងទៀតថា “ខ្ញ៉ំមិនអនុញ្ញាតឱ្យមានឡានដែលអត់ពន្ធជិះលើដងផ្លូវទៀតទេ សូមអញ្ជើញទៅបង់ពន្ធឱ្យហើយសំរាប់អ្នកជិះឡានអត់ពន្ធក្រោមស្លាកនេះស្លាកនោះ។

សម្តេចតេជោ ហ៊ុន សែន បានថ្លែងថា សូមអ្នកជិះរថយន្តអត់ពន្ធ សូមទៅបង់ពន្ធឱ្យហើយ នៅសល់តែ ៨ថ្ងៃទៀតទេ ផុតថ្ងៃកំណត់នៃការផ្តល់១០ភាគរយហើយ។ សម្តេចថា ចូលដល់ឆ្នាំ២០២២ គឺលែងផ្តល់ការលើកលែង ១០ភាគរយហើយ គឺត្រូវបង់ពន្ធពេញតែម្តង។

ជាមួយគ្នានេះ សម្តេចតេជោ ហ៊ុន សែន បានណែនាំឱ្យមន្ត្រីគយ ត្រូវខិតខំប្រឹងប្រែអនុវត្តឱ្យបានល្អ មិនត្រូវឱ្យអ្នកជិះឡានអត់ពន្ធ ធ្វើរឿងច្រំដែលៗបានទៀតទេ៕ ដោយ វណ្ណលុក