ក្រុមហ៊ុនអចលនទ្រព្យធំរបស់ចិនហាក់បីដូចជាមិនសងបំណុល តាមកាលកំណត់
ក្រុមហ៊ុនអចលនទ្រព្យធំរបស់ចិន Evergrande ហាក់បីដូចជា សងបំណុលតាមកាលកំណត់នោះទេ។ នេះបើតាមការចុះផ្សាយរបស់សារព័ត៌មាន Bloomberg។
សារព័ត៌មានខាងលើបានចុះផ្សាយថា កាលកំណត់ដែលក្រុមហ៊ុន Evergrande ត្រូវសងបំណុលសញ្ញាប័ណ្ណលុយដុល្លារចំនួន ២កញ្ចប់បានផុតកាលពីថ្ងៃអង្គារកន្លងទៅ ហើយគេមើលឃើញថា «មិនសញ្ញាក្នុងការបង់បំណុល» ដោយក្រុមហ៊ុននេះទេ។
នៅក្នុងឆ្នាំ២០២១នេះ ក្រុមហ៊ុន Evergrande ចាប់ផ្ដើមប្រកាសថាខ្លួនបានជាប់បញ្ហាហិរញ្ញវត្ថុ ដោយសារតែមិនមានសមត្ថភាពក្នុងការសងម្ចាស់បំណុលតាមកាលកំណត់។ ក្រោយមកទៀត ក្រុមហ៊ុនអចលនទ្រព្យនេះក៏សុំជំនួយពីរដ្ឋាភិបាលចិនដើម្បីរៀបចំបំណុលក្នុងស្រុករបស់ខ្លួនឡើងវិញ ហើយចាប់ផ្ដើមព្យាយាមលក់ផ្នែកមួយចំនួននៃក្រុមហ៊ុន ដើម្បីបណ្ដោះបំណុលមួយគ្រាៗ។
ចំណែកឯបំណុលក្រៅស្រុកវិញ ក្រុមហ៊ុន Evergrande នេះព្យាយាមស្នើសុំម្ចាស់បំណុលឱ្យពិនិត្យឡើងវិញនៅឆ្នាំក្រោយ។ សារព័ត៌មាននីកេបានចុះផ្សាយថា ដើម្បីឱ្យទុកចន្លោះដកដង្ហើមបន្តិច ក្រុមហ៊ុននេះត្រូវការចរចាជាមួយម្ចាស់បំណុលក្នុងទ្រង់ទ្រាយធំ ឬ ចរចាធ្វើយ៉ាងណាឱ្យម្ចាស់បំណុលកាត់បន្ថយការបង់ថ្លៃ ក្នុងកាលកំណត់សងបំណុលម្ដងៗ៕
ប្រភព៖ Nikkie Asia
