ពលរដ្ឋ១៦ម៉ឺន ៦ពាន់ ២១០នាក់ បានចាក់វ៉ាក់សាំងដូសទី៤ (Video Inside)
តួលេខពលរដ្ឋនៅរាជធានីភ្នំពេញ បានមកចាក់វ៉ាក់សាំងដូសទី៤ ក្នុងរយៈពេល ២៤ម៉ោងកន្លងមកនេះ មាន ចំនួន ៣ម៉ឺន ៦ពាន់ ៣៨៩នាក់ ដែលនាំឲ្យតួលេខអ្នកចាក់វ៉ាក់សាំងដូសជម្រុញទី២ រយៈពេល ១សប្តាហ៍មក នេះមានចំនួន១៦ម៉ឺន៦ពាន់២១០នាក់ ហើយ ។
រាជរដ្ឋាភិបាលកម្ពុជាបានចាប់ផ្តើមយុទ្ធនាការចាក់វ៉ាក់សាំង ដូសទី៤ តាំងពីថ្ងៃទី១៤ មករា ទៅលើមន្ត្រីក្នុងក្រុមជួរមុខដែលជាអ្នកធ្វើការប្រឈមនឹងហានិភ័យខ្ពស់ ដែលផ្តើម ចេញពីរាជធានីភ្នំពេញដំបូងគេ ។ ដោយឡែកការចាក់វ៉ាក់សាំងដូសទី៣ និងការចាក់វ៉ាក់សាំងដូសមូលដ្ឋាន នៅ តែបន្តជាដដែល បើទោះបីមានការចាក់វ៉ាក់សាំងដូសទី៤ក៏ដោយ ។
យោងតាមក្រសួងសុខាភិបាល តួលេខអ្នក ចាក់វ៉ាក់សាំងដូសទី៣ នៅថ្ងៃនេះ បានចំនួន ៩ម៉ឺន ៩ពាន់ ១២០នាក់ ។ កម្ពុជាក្នុងចំណោមពលរដ្ឋ ១៦លាន នាក់, ការចាក់វ៉ាក់សាំងទូទាំងប្រទេសគិតត្រឹមថ្ងៃនេះ បានសម្រេច ៨៩,៥២ភាគរយហើយ គឺស្មើនឹង១៤លាន ៣២ម៉ឺន២ពាន់៦៣១នាក់ ប៉ុន្តែក្នុងចំណោម អ្នកចាក់ទាំងជាង៨៩ភាគរយ នោះ, អ្នកបានចាក់វ៉ាក់សាំងដូសទីបី ឬដូសជម្រុញ ទើបតែបានចំនួនសរុប ៤លាន៩៨ម៉ឺន ៨ពាន់ ៩១នាក់នោះទេ៕