WHO៖ ភាពតានតឹងបណ្ដាលមកពីជំងឺរាតត្បាត អាចបញ្ចប់ត្រឹមពាក់កណ្តាលឆ្នាំនេះ
ប្រធានអង្គការសុខភាពពិភពលោក បាននិយាយថា ដំណាក់កាលស្រួចស្រាវនៃជំងឺរាតត្បាត អាចបញ្ចប់នៅឆ្នាំនេះ ប្រសិនបើប្រជាពលរដ្ឋលើពិភពលោកយ៉ាងហោចណាសចំនួន ៧០ ភាគរយទទួលការចាក់វ៉ាក់សាំង។
លោក Tedros Adhanom Ghebreyesus បានប្រាប់អ្នកយកព័ត៌មាននៅអាហ្វ្រិកខាងត្បូងថា៖ «ការរំពឹងទុករបស់យើងគឺថា ដំណាក់កាលស្រួចស្រាវនៃជំងឺរាតត្បាតនេះនឹងបញ្ចប់នៅឆ្នាំនេះ ពិតណាស់ជាមួយនឹងលក្ខខណ្ឌមួយ គឹការចាក់វ៉ាក់សាំងឱ្យសម្រេចគោលដៅ ៧០ ភាគរយនៅពាក់កណ្តាលឆ្នាំនេះ ពោលគឹក្នុងខែ មិថុនា ឬ ខែកក្កដា»។
លោកបានបន្តថា៖ «ប្រសិនបើ យើងសម្រេចបានមែន ដំណាក់កាលស្រួចស្រាវពិតជាអាចបញ្ចប់ ហើយនោះជាអ្វី ដែលយើងកំពុងរំពឹងទុក។ វាស្ថិតនៅក្នុងដៃរបស់យើង។ ការបញ្ចប់នេះ មិនមែនអាស្រ័យលើពេលវេលានោះទេ គឺលើការម្រេចចិត្តរបស់យើង»។
គាត់បាននិយាយក្នុងអំឡុងពេលដំណើរទស្សនកិច្ចទៅកាន់ក្រុមហ៊ុន Afrigen Biologics and Vaccines ដែលបានផលិតវ៉ាក់សាំង mRNA កូវីដដំបូងបង្អស់ ដែលផលិតនៅទ្វីបអាហ្រ្វិក ដោយប្រើលំដាប់ Moderna ។
លោក បាននិយាយថា៖ «យើងរំពឹងថាវ៉ាក់សាំងនេះនឹងកាន់តែសមស្របទៅនឹងបរិបទ ដែលវានឹងត្រូវបានប្រើប្រាស់ ដោយមានកម្រិតនៃការផ្ទុកតិចជាងមុន និងក្នុងតម្លៃទាប»។
វ៉ាក់សាំងនេះនឹងត្រៀមរួចរាល់សម្រាប់ការសាកល្បងព្យាបាលនៅខែ វិច្ឆិកា ជាមួយនឹងការអនុម័តរំពឹងទុកនៅឆ្នាំ ២០២៤។