រដ្ឋមន្ត្រីក្រសួងកសិកម្មលោក វេង សាខុន បានទទួលរងការស្តីបន្ទោសជាខ្លាំងពីប្រមុខដឹកនាំរាជរដ្ឋាភិបាលកម្ពុជា ដោយសារតែលោករដ្ឋមន្ត្រីកសិកម្មនោះ ជាបុគ្គលដែលធ្វើការមិនចេះសហការជាមួយនឹងក្រសួងស្ថាប័នដទៃ។ សម្តេចនាយករដ្ឋមន្ត្រី ហ៊ុន សែន បានមានប្រសាសន៍ស្តីបន្ទោសនេះនារសៀលថ្ងៃទី២៣កុម្ភៈនេះ ក្នុងពេល អញ្ជើញចូលរួមបិទកិច្ចប្រជុំបូកសរុបលទ្ធផលរបស់ក្រសួងមហាផ្ទៃ។ លោកវេងសាខុន បានរងនឹងការរិះគន់ ជុំវិញការដោះស្រាយមិនបានសម្រេចក្នុងរឿងនីតិវិធីដេញថ្លៃនាំចូលជ្រូករស់ដែលធ្វើឱ្យពលរដ្ឋមានភាពថ្នាំងថ្នាក់។

ជាគោលការណ៍ រាជរដ្ឋាភិបាល តែងតែលើកទឹកចិត្តអ្នកចិញ្ចឹមក្នុងស្រុក ដើម្បីឱ្យមានលទ្ធភាពផ្គត់ផ្គង់ជ្រូក ឱ្យបានគ្រប់គ្រាន់ ជាមួយនឹងកម្រិតថ្លៃសមរម្យ ដោយមិនចាំបាច់មានការនាំចូល។ ក្រសួងកសិកម្ម បានរង ការរិះគន់់ថា ទោះបីជាក្រសួងសេដ្ឋកិច្ច អញ្ជើញក្រសួងកសិកម្ម ដើម្បីចូលរួមប្រជុំដោះសា្រយលើបញ្ហាចំរូង ចំរាស់នោះក៏ដោយ ប៉ុន្តក្រសួងកសិកម្មបែរជាមិនព្រមចូលរួមទៅវិញ៕