ភ្នំពេញ៖ តាមរយៈ Facebook ផ្លូវការ នៅរសៀលថ្ងៃទី២៨ ខែកុម្ភៈ ឆ្នាំ២០២២ សម្តេចតេជោ ហ៊ុន សែន នាយករដ្ឋមន្ត្រកម្ពុជា បានប្រកាសបញ្ចប់ការធ្វើចត្តាឡីស័ក និងបំពេញការងារធម្មតាឡើងវិញ បន្ទាប់ពីធ្វើតេស្តអវិជ្ជមានកូវីដ១៩។

សម្តេចតេជោ ហ៊ុន សែន សរសេរលើបណ្ដាសង្គមហ្វេសប៊ុកដូច្នេះថា បងប្អូនជនរួមជាតិ ជាទីគោរពស្រឡាញ់! ក្រោយពីការធ្វើតេស្តជាថ្មីម្តងទៀត ខ្ញុំត្រូវបានបញ្ជាក់ថា អវិជ្ជមានកូវីដ១៩។ ហេតុដូចនេះ ខ្ញុំត្រូវបញ្ចប់ការធ្វើចត្តាឡីសក័ និងចេញធ្វើការងារធម្មតាឡើងវិញ។ សូមបងប្អូនជនរួមជាតិ សូមជួបតែសេចក្តីសុខសេចក្តីចម្រើន ។

សូមរំលឹកថា កាលពីថ្ងៃទី២៥ ខែកុម្ភៈ ឆ្នាំ២០២២ សម្តេចតេជោ ហ៊ុន សែន បានប្រកាសធ្វើចត្តាឡីស័ក បន្ទាប់ពីបានប៉ះពាល់ផ្ទាល់ជាមួយអ្នកវិជ្ជមានកូវីដ១៩។ ប៉ុន្តែពេលនេះបន្ទាប់ពីធ្វើតេស្តជាច្រើនដងរួចមក លទ្ធផលអវិជ្ជមាន ទើបសម្រេចបញ្ចប់ការធ្វើចត្តាឡីស័ក នៅថ្ងៃទី២៨ ខែកុម្ភៈនេះ ៕ ដោយ វណ្ណលុក