កៀវ៖ ប្រធានាធិបតីអ៊ុយក្រែនលោក វ៉ូឡូឌីមៀ ហ្សេលែនស្គី បានសារភាពនៅព្រហស្បតិ៍ថា ការចូលរួមជាមួយសហភាពអឺរ៉ុប មិនមែនជាអាទិភាពចម្បងសម្រាប់ទីក្រុងកៀវ នោះទេ ខណៈដែលប្រទេសខ្លួនកាន់តែមានការព្រួយបារម្ភចំពោះបញ្ហាសន្តិសុខ ចំពេលមានជម្លោះយោធាដែលកំពុងបន្តជាមួយរុស្ស៊ី ។

លោក ហ្សេលែនស្គី បាននិយាយដូច្នេះថា ខ្ញុំជឿជាក់ថា សមាជិកភាពរបស់អ៊ុយក្រែននៅក្នុងសហភាពអឺរ៉ុប (EU) មិនមែនជាអាទិភាពកំពូលនៅពេលនេះទេ ប៉ុន្តែសំខាន់ជាងនេះទៅទៀតនោះ គឺសន្តិសុខ និងសង្រ្គាម។ ការ លើក ឡើង បែបនេះ របស់លោក ហ្សេលែនស្គី ធ្វេី ឡើង ប៉ុន្មាន ថ្ងៃ បន្ទាប់ ពី ទីក្រុង កៀវ បាន ដាក់ សំណើ ចូល ជា សមាជិក ជា ផ្លូវ ការ ជាមួយសហភាពអឺរ៉ុប។

គួរបញ្ជាក់ថា កាលពីថ្ងៃចន្ទដេីមសប្តាហ៍នេះ លោក ហ្សេលែនស្គី បានអំពាវនាវឱ្យប្លុកនេះទទួលយកអ៊ុយក្រែនឱ្យបានឆាប់តាមដែលអាចធ្វើទៅបាន ដោយពង្រឹងបន្ថែមទៀតនូវការជំរុញឱ្យមានសមាជិកភាព ក្នុងអំឡុងពេលសុន្ទរកថារបស់លោកនៅសភាអឺរ៉ុបនៅថ្ងៃបន្ទាប់ តាមវីដេអូអនឡាញ៕ ប្រភព៖ RT ដោយ៖ ឈឹម ទីណា