ខេត្តកំពង់ចាម ៖ ឯកឧត្តម អ៊ុន ចាន់ដា សមាជិកគណៈកម្មធិការកណ្តាល និងជាប្រធានគណៈកម្មាធិការគណបក្សប្រជាជនកម្ពុជា ខេត្តកំពង់ចាម អញ្ជើញដឹកនាំកិច្ចប្រជុំគណៈអចិន្ត្រៃយ៍ គណបក្សប្រជាជនកម្ពុជាខេត្តកំពង់ចាម នាព្រឹកថ្ងៃអសទិត្យទី០៦ ខែមិនាឆ្នាំ២០២២ នៅទីស្នាក់ការគណបក្សខេត្ត ។

កិច្ចប្រជុំបានពិភាក្សា និងពិនិត្យរៀបចំបន្ថែមអង្គការចាត់តាំងបក្សនៅតាមគណបក្សមូលដ្ឋាន និងសាខាបក្សមួយចំនួនទៀត ស្របតាមសំណើរបស់សាមីមូលដ្ឋាននីមួយៗ ដោយអនុវត្តតាមគោលការណ៍របស់គណបក្ស គឺ សមូហភាពដឹកនាំ និងបុគ្គលទទួលខុសត្រូវ ដែលជាប្រពៃណីនៃភាពរឹងមាំរបស់គណបក្សប្រជាជនកម្ពុជា ក្រោមការដឹកនាំប្រកបដោយ កិត្តិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន ប្រធានគណបក្ស និងជានាយករដ្ឋមន្ត្រី ។

កិច្ចប្រជុំនេះ មានការអញ្ជើញចូលរួមពីសំណាក់ អនុប្រធានគណបក្សខេត្ត, ឯកឧត្តម លោកជំទាវ លោក លោកស្រីសមាជិក សមាជិកា គណៈអចិន្ត្រៃយ៍ និងមន្ត្រីពាក់ព័ន្ធមួយចំនួនទៀត ៕ ដោយ ៖ លី ពៅ