ថៃ៖ កូវីដមិនអាចបញ្ឈប់បុណ្យសង្ក្រាន្ត នាខែក្រោយទេ
បាងកក៖ ថៃប្រកាសថា ពិធីបុណ្យសង្ក្រាន្តនឹងរៀបចំឡើង នៅខែក្រោយ បន្ទាប់ពីផ្អាក២ឆ្នាំ ដោយសារកូវីដ១៩។ រាជរដ្ឋាភិបាលថៃបញ្ជាក់បន្ថែមថា វិធានការសុខាភិបាលនិងសុវត្ថិភាពនៅតែចាំបាច់ ក្នុងពេលរៀបចំ។
![](https://asset.ams.com.kh/central/media/photo_2022-03-09_15-31-18-1024x682.jpg)
![](https://asset.ams.com.kh/central/media/photo_2022-03-09_15-31-19-1024x682.jpg)
អ្នកនាំពាក្យរាជរដ្ឋាភិបាល Thanakorn Wangboonkongchana បាននិយាយកាលពីថ្ងៃទី៨ មីនាថា លោកនាយករដ្ឋមន្ត្រី ប្រាយុទ្ធ ចាន់អូចា បានផ្តល់ការធានាថា គ្រប់សកម្មភាពនិងការធ្វើដំណើរកម្សាន្ត ត្រូវបានអនុញ្ញាត ក្នុងពេលបុណ្យ ចាប់ពីថ្ងៃទី១៣ ដល់១៥ មេសា ២០២២។
![](https://asset.ams.com.kh/central/media/photo_2022-03-09_15-31-20.jpg)
![](https://asset.ams.com.kh/central/media/photo_2022-03-09_15-31-21-1024x683.jpg)
មជ្ឈមណ្ឌលគ្រប់គ្រងស្ថានភាពកូវីដហៅកាត់ថា CCSA គ្រោងនឹងជួបប្រជុំគ្នា នាថ្ងៃទី១៨ មីនា ដើម្បីពិភាក្សាពីវិធានការសុវត្ថិភាពសុខភាពសាធារណៈ សម្រាប់ការរៀបចំពិធីបុណ្យប្រចាំឆ្នាំមួយនេះ។
យ៉ាងណាក៏ដោយ ថៃនៅតែបន្តឆ្លងកូវីដ ប្រចាំថ្ងៃ ចន្លោះពីជាង ១ម៉ឺនទៅជាង ២ម៉ឺននាក់ ស្លាប់រាប់សិបនាក់។ ជាក់ស្តែង នាថ្ងៃទី៩ មីនានេះ ថៃប្រកាសថា ឆ្លងជាង ២.២ម៉ឺននាក់ និងស្លាប់ប្រមាណ ៧០នាក់ទៀត ក្នុងពេល២៤ម៉ោង៕ ប្រភព៖ បាងកកប៉ុស្តិ៍ ដោយ៖ សារ៉ាត
![](https://asset.ams.com.kh/central/media/photo_2022-03-09_15-31-23-1024x682.jpg)