ឯកឧត្តម នៅ សារី ស្ថាបនិកពានរង្វាន់បាល់ទាត់ ឯកឧត្តមបណ្ឌិត ហ៊ុន ម៉ាណែត បញ្ជាក់ថា ពាននេះ បង្កើត ឡើង ដើម្បី ផ្តល់ ឪកាសដល់យុវជនលេងកីឡាបង្កើនមិត្តភាព សាមគ្គីភាព ក្រោមដំបូលសុខសន្តិភាព ពី ព្រោះ សន្តិភាព ដែលយើងទទួលបានរាល់ថ្ងៃកើតចេញ ពីការសាមគ្គីភាពជាធ្លុងមួយរបស់ថ្នាក់ដឹកនាំ ជាពិសេស សម្តេច តេជោ ហ៊ុន សែន ជានាយករដ្ឋមន្រ្តី ដឹកនាំប្រទេសប្រកបដោយគតិបណ្ឌិត ធ្វើអោយ មាន ការអភិវឌ្ឍ លើគ្រប់ វិស័យ រួមទាំងវិស័យកីឡាផងដែរ ។

ស្ថាបនិករូបនេះ បន្ថែមថា ការប្រកួតបាល់ទាត់នេះ គឺចង់ប្អូនៗជាកីឡាករចេះសាមគ្គីគ្នា សហការ គ្នា ជាក្រុម ឆ្ពោះទៅរកជ័យជំនះ តាមគំរូវីរភាពរបស់សម្តេចតេជោ ។ ឯកឧត្តម បន្តទៀតថា ពានរង្វាន់នេះ ក៏ធ្វើឡើងដើម្បីគាំទ្របេក្ខភាព ឯកឧត្តម ហ៊ុន ម៉ាណែត ជានាយករដ្ឋមន្រ្តី នៃព្រះរាជាណា ចក្រកម្ពុជា នាថ្ងៃ អនាគត ។ ឯកឧត្តម នៅ សារី បញ្ជាក់ទៀតថា ក្រៅគោលបំណងសំខាន់ៗខាងលើ ពាននេះ ក៏សារមួយ អំពាវ នាវ ដល់វិស័យឯកជន ផ្សេងទៀតចូលរួម ជួយ ឧបត្ថម្ភគាំទ្រវិស័យកីឡាជាតិ ក្នុងដំណើរឆ្ពោះទៅ ស៊ីហ្គេម នាឆ្នាំ២០២៣ ដែលកម្ពុជាធ្វើជាម្ចាស់ផ្ទះជា លើក ដំបូងផងដែរ ។ ដោយឡែកវីរកីឡាករម៉ូតូទឹក សាលី អូម៊ើត បានបង្ហាញអារម្មណ៍រីករាយ និងចង់អោយ បង្កើតពាន រង្វាន់ បាល់ ទាត់នេះ ជារៀងរាល់ខែឬរាល់ឆ្នាំ វាទាក់ទាញអោយយុវជនងាក មកលេងកីឡា ជៀសឆ្ងាយ ជាគ្រឿងញាន ។

សូមបញ្ជាក់ថា ព្រឹត្តការណ៍ប្រកួតបាល់ទាត់ពានរង្វាន់ ឯកឧត្តមបណ្ឌិត ហ៊ុន ម៉ាណែត រដូវកាលទី១ ឆ្នាំ២០២២ ស្ថិតក្នុងភូមិពោធិរោងលើ ឃុំកោងកាង ស្រុកពញាក្រែក ខេត្តត្បូងឃ្មុំ ដោយមាន ៣២ ក្រុមចូលរួម ប្រកួតតាមរូបមន្តចាញ់ធ្លាក់ រហូតដល់វគ្គផ្តាច់ព្រ័ត្រ បានដំណើរការប្រកួតរយៈពេល៤ថ្ងៃហើយ ចាប់តាំង ពីថ្ងៃទី១០ ខែមីនា នឹងបញ្ចប់នាថ្ងៃទី២០ ខែមីនា ឆ្នាំ២០២២ខាងមុខនេះ ជាមួយនឹងប្រាក់រង្វាន់ សរុប២ ម៉ឺន ដុល្លា ។ រីឯលទ្ធផលការប្រកួតថ្ងៃនេះ ក្រុមយុវជនដីឡូត៍ ហ៊ីម រ៉ាសេត ចាញ់ ក្រុមយុវជន២ធ្នូត្នោត ដោយ ទាត់ បាល់កាត់សេចក្តី១១ម៉ែត្រ ៣ទល់១ ក្រោយស្មើគ្នា០ទល់០ ម៉ោង៩០នាទី , ក្រុមយុវជនភូមិសំបួរ ចាញ់ក្រុមយុវជនសាលីអូម៊ើត ០ទល់២ , ក្រុម នាគកំណាចសាច់សូរ ឈ្នះក្រុមបាល់ទាត់ត្រពាំងខ្លា ដោយទាត់បាល់កាត់សេចក្តី១១ម៉ែត្រ ៧ទល់៦ ក្រោយ ស្មើគ្នា៩០នាទី ក្នុងលទ្ធផល ២ទល់២ ,ឯគូទី៤ ក្រុមឥន្រ្ទីក្រហមពង្រ ចាញ់ក្រុម ស ស យ ក កំពង់ចាម ០ទល់២ ៕ ចាន់ វិចិត្រ