អ៊ីស្រាអែល៖យោងតាមការចេញផ្សាយរបស់ទីភ្នាក់ ងារ ព័ត៌មានរ៉យទ័រ នាថ្ងៃនេះ បានឲ្យដឹងថា លោកនាយក រដ្ឋមន្ត្រីអ៊ីស្រាអែល Naftali Bennett បានឆ្លងជំងឺ កូវីដ១៩។

ប្រភពដែលបានចេញផ្សាយផ្អែកតាមសេចក្តីថ្លែងការណ៍របស់ខុទ្ទកាល័យនាយករដ្ឋមន្ត្រី អ៊ីស្រាអែល នាថ្ងៃទី២៨ មីនានេះ បានបន្តថា លោក Naftali Bennett មិនមាន អាការៈអ្វីធ្ងន់ធ្ងរនោះទេ ហើយលោកបានដាក់ខ្លួនឲ្យនៅដាច់ ដោយឡែក និងបន្តបំពេញការងារពីគេហដ្ឋាន។

លោកនាយករដ្ឋមន្ត្រីនៅតែឆ្លងកូវីដ បើទោះបីជា បានចាក់វ៉ាក់សាំងបង្ការកូវីដ១៩ ចំនួន២ដូសពេញលេញ រួមទាំងដូសជំរុញរួចហើយក៏ដោយ។

លោកនាយករដ្ឋមន្ត្រីត្រូវបានប្រកាសថា ឆ្លងកូវីដ ក្រោយ ពេលបានជួប រដ្ឋមន្រ្តីការបរទេសសហរដ្ឋអាមេរិក បានមួយ ថ្ងៃ៕ ប្រែសម្រួល៖សារ៉ាត