វៀតណាម៖បើទោះបីជាបញ្ហារវាងរុស្ស៊ីនិងអ៊ុយក្រែនបន្តអូស បន្លាយ ក៏ដោយ ការនាំចេញអាហារសមុទ្ររបស់វៀតណាម បានកើន ឡើង ៤០ភាគរយជាមួយនឹង ចំណូលកើនដល់ ២.៤ពាន់លាន ដុល្លារ ក្នុងពេលបីខែដំបូងនៃឆ្នាំនេះ បើធៀបនឹងពេលដូចគ្នា កាល ពីឆ្នាំ២០២១។

ត្រីឆ្មារ កើន៨៨ភាគរយ មាន៦៤៦លានដុល្លារ ឬ ប្រមាណ២៧ ភាគរយនៃអាហារសមុទ្រទាំងអស់ នេះបើតាមសមាគមផលិតនិង នាំចេញអាហារសមុទ្រវៀតណាម ហៅកាត់ថា VASEP ។

ប្រភពបន្តថា បង្គានៅតែជាទំនិញនាំចេញឈានមុខ មាន៣៧.៥ ភាគរយនៃការនាំចេញសរុប កើនឡើង ៣៧ភាគរយ មានតម្លៃជាង ៩០០លានដុល្លារ។

សមាគមបានឲ្យដឹងដែរថា ជម្លោះរវាងរុស្ស៊ីនិងអ៊ុយក្រែនកំពុង ជះ ឥទ្ធិពលដល់ឧស្សាហកម្មនេះ ជាមួយនឹងការឡើងថ្លៃសាំង បង្ខំចិត្ត ដល់អ្នកនេសាទមិនចេញក្រៅទៅនេសាទ ឬខ្លះលក់កាណូត។

ការនាំចេញទៅរុស្ស៊ីធ្លាក់ចុះ ៨៦ភាគរយ ស្មើនឹង២.៧លានដុល្លារ ខណៈការនាំចេញទៅអ៊ុយក្រែនបានបញ្ចប់ ដោយគេដឹងថា រុស្ស៊ីនិង អ៊ុយក្រែន ជាទីផ្សារ ប្រមាណ២ភាគរយនៃការនាំចេញ អាហារសមុទ្ររបស់វៀតណាម៕
ប្រភព VNexpress ប្រែសម្រួលដោយ៖សារ៉ាត