តើអតិផរណារបស់ជប៉ុន នឹងវិវត្តន៍ដល់កម្រិតណា?
អតិផរណារបស់ជប៉ុននៅឆ្នាំនេះ ត្រូវបានគេរំពឹងថានឹងឡើងដល់ ២% ពោលឡើងបំផុតក្នុងរយៈពេល ៣ ទសវត្សរ៍ ដែលមិនធ្លាប់មានការកើនឡើងទាល់តែសោះ។
ការយល់ឃើញរបស់អភិបាលធនាគារកណ្តាលជប៉ុន លោក Haruhiko Kuroda កាលពីខែមុនហាក់ដូចប្រឆាំងនឹងការយល់ឃើញរបស់ លោក Jerome Powell ប្រធានធនាគារកណ្តាលនៃសហរដ្ឋអាមេរិក ដែលធ្លាប់ប្រាប់សភាជប៉ុនថា លោកនឹងប្រកាន់ខ្ជាប់នូវគោលនយោបាយរូបិយវត្ថុ ដែលធូររលុងរបស់គាត់ ទាំងដែល សហរដ្ឋអាមេរិក ត្រូវប្រឈមនឹងការកើនឡើងអតិផរណាអស់រយៈពេលមួយឆ្នាំ។
លោក Kuroda បាននិយាយថា៖ «យើងមិនចាំបាច់រឹតបន្តឹងគោលនយោបាយរូបិយវត្ថុក្នុងការឆ្លើយតបទៅនឹងនិន្នាការនៃការកើនឡើងអតិផរណា ដោយធ្វើឱ្យផ្ទុយពីនិរន្តរភាពមួយរបស់យើងទេ»។
យោងតាមអ្នកសេដ្ឋកិច្ចចំនួន ១០ នាក់ ដែលត្រូវបានស្ទង់មតិ ដោយ Nikkei Asia អតិផរណាស្នូល នៅក្នុងប្រទេសជប៉ុនមិនរាប់បញ្ចូលតម្លៃអាហារស្រស់ ត្រូវបានគេព្យាករថា នឹងកើនឡើងដល់ ២% នៅក្នុងខែ មេសា នឹងពី ០,៨% នៅក្នុងខែមីនា ចំពេលមានកង្វះទំនិញទូទាំងពិភពលោក បន្ទាប់ពីជំងឺរាតត្បាតកូវីដ និងការឈ្លានពានរបស់រុស្ស៊ីលើអ៊ុយក្រែន។
ទិន្នន័យកាលពីថ្ងៃ ចន្ទ បានបង្ហាញដែរថា តម្លៃលក់ដុំរបស់ប្រទេសជប៉ុនកើនឡើង ១០% នៅក្នុងខែ មេសា ធៀបនឹងរយៈពេលដូចគ្នាកាលពីឆ្នាំមុន ដែលជាការកើនឡើងដ៏ធំបំផុតក្នុងរយៈពេល ៤០ ឆ្នាំកន្លងមក។
ការកើនឡើង ២% នៅក្នុងសន្ទស្សន៍តម្លៃអ្នកប្រើប្រាស់ គឺជាគោលដៅគោលនយោបាយសំខាន់របស់ ធនាគារជប៉ុន ខណៈដែលខ្លួនព្យាយាមទាញប្រទេសឱ្យងាកចេញពីបរិត្តផរណា ប៉ុន្តែធនាគារកណ្តាល និងអ្នកសេដ្ឋកិច្ចវិស័យឯកជនភាគច្រើន ព្យាករថា ការធ្វើដូច្នោះនឹងធ្វើឱ្យកំណើនមានតែក្នុងរយៈពេលខ្លី ហើយប្រទេសជប៉ុន នឹងត្រឡប់ទៅរកបដិផរណាវិញ។
ប្រភពដដែល ក៏បានចង្អុលពីសម្ពាធប្រាក់ឈ្នួល ដែលចុះខ្សោយជាបន្តបន្ទាប់នៅក្នុងប្រទេសជប៉ុន និងបរិត្តផរណា បន្សល់ដោយវិធានខាងលើ ដែលនឹងបានប៉ះពាល់យ៉ាងខ្លាំងពីដល់ប្រតិកម្មរបស់ប្រជាជនស្ដីពីការកើនឡើងតម្លៃ ដែលពួកគេបានឃើញ។
ប្រាក់ឈ្នួលជាមធ្យម បានកើនឡើងត្រឹមតែ ០,៣% ប៉ុណ្ណោះកាលពីឆ្នាំមុន។ នេះបើយោងតាមការស្ទង់មតិរបស់ក្រសួងការងារ ខណៈដែលការចរចាប្រចាំឆ្នាំ ដែលពាក់ព័ន្ធនឹងសាជីវកម្មធំៗ បានផ្តល់ការបង្កើនប្រាក់ឈ្នួលត្រឹមតែ ១,៨៦% ប៉ុណ្ណោះ ដែលចំនួននេះ ធ្លាក់ចុះប្រមាណ ២% ជាការធ្លាក់ចុះលើកដំបូងក្នុងរយៈពេល ៨ ឆ្នាំ។
យ៉ាងណាមិញ ទាំងធនាគារជប៉ុន និងអ្នកសេដ្ឋកិច្ចវិស័យឯកជនភាគច្រើនរំពឹងថា នឹងមានការកើនឡើងបន្តិចម្តងៗ។ ធនាគារជប៉ុន បានព្យាករថា អតិផរណាស្នូលនឹងកើនជាមធ្យម ១,៩% នៃសារពើពន្ធ ២០២២ ហើយថយចុះ ១,១% នៃសារពើពន្ធឆ្នាំ ២០២៣ និង ២០២៤។
លោក Ryutaro Kono ប្រធានសេដ្ឋវិទូជប៉ុនក្រុមហ៊ុនពាណិជ្ជជប៉ុន BNP Paribas មានប្រសាសន៍ថា៖ «បរិត្តផរណា មានភាពស៊ីជម្រៅនៅក្នុងប្រទេសជប៉ុន ដែលវិស័យគ្រួសារមានទំនោរប្រតិកម្មការពារ ចំពោះការកើនឡើងតម្លៃ និងបន្ថយចំនួនការប្រើប្រាស់។ អាជីវកម្មនានា ដែលខ្លាចបាត់បង់ការលក់ ជៀសវាងការចំណាយ ដោយកាត់បន្ថយប្រាក់ឈ្នួលបុគ្គលិក ឬប្រាក់ចំណេញ»។
រដ្ឋាភិបាលរបស់នាយករដ្ឋមន្រ្តីលោក Fumio Kishida ទំនងជាគាំទ្រទស្សនៈរបស់ធនាគារជប៉ុន។ នៅថ្ងៃទី 26 ខែមេសា ស្ថាប័នដដែល បានប្រកាសថា ទឹកប្រាក់ ៤៨,២ ពាន់លានដុល្លារ នឹងត្រូវប្រើប្រាស់ក្នុងវិធានការគាំទ្រសេដ្ឋកិច្ចក្នុងគោលបំណងកាត់បន្ថយផលប៉ះពាល់អតិផរណា ដោយអនុវត្តគម្រោងរយៈពេលខ្លីនានា ដោយរួមមានការបញ្ចុះតម្លៃប្រេងសាំងរហូតដល់ខែ កញ្ញា និងការផ្តល់សាច់ប្រាក់តែម្តងទៅគ្រួសារ ដែលមានចំណូលទាប។
សេដ្ឋវិទូផ្នែកឯកជន បានព្យាករជាមធ្យមថា អតិផរណានឹងឡើងដល់កម្រិត ២,២% ក្នុងខែ តុលា បន្ទាប់មកនឹងធ្លាក់ចុះក្រោម ២% ទៀតនៅក្នុងខែ មករា ដល់ខែ មីនា។ ដោយឡែក សារពើពន្ធសម្រាប់ឆ្នាំ ២០២៣ ត្រូវបានគេព្យាករថា នឹងមានអតិផរណាជាមធ្យម ០,៨% ។
លោក Yoshiki Shinke សេដ្ឋវិទូនៅវិទ្យាស្ថានស្រាវជ្រាវ Dai-ichi Life មានប្រសាសន៍ថា៖ «មានផលិតផលជាច្រើន ដែលផលិតពីស្រូវសាលី ដូចជានំបុ័ង និងគុយទាវ ហើយតម្លៃរបស់វា នឹងកើនឡើងបន្ថែមទៀតនៅរដូវស្លឹកឈើជ្រុះ»។
ប្រភព៖ Nikkei Asia
