ហុងកុងតម្រូវឲ្យគ្រូបង្រៀនភាសាអង់គ្លេសជនជាតិដើមស្បថបង្ហាញភាពស្មោះត្រង់ មុនទទួលបានការងារនៅសាលារដ្ឋ
រដ្ឋបាលគ្រប់គ្រងដែនដីហុងកុងនឹងតម្រូវឲ្យគ្រូបរទេសដែលកំពុងបង្រៀននៅតាមសាលារដ្ឋក្នុងទឹកដីហុងកុង ផឹកទឹកសម្បថ ឬប្រកាសពីភាពស្អាតស្អំស្មោះត្រង់ចំពោះអាជ្ញាធរនៃទីក្រុងនេះ ខណៈដែលការភ័យខ្លាចកើនឡើងអំពីសមត្ថភាពរបស់ដែនដីក្នុងការរក្សាអ្នកអប់រំនៅចំពោះមុខ នៃការរឹតបន្តឹងកើនឡើង។
ដ្ឋាភិបាលចិនដីគោកកាលពីសប្តាហ៍មុនបានប្រកាសពីការផ្តល់ប្រាក់រង្វាន់ទឹកប្រាក់និងការចេញវិញ្ញបនបត្រដល់ប្រជាជនរបស់ខ្លួនក្នុងការរាយការណ៍សកម្មភាពចារកម្មដែលជាការគម្រាមកំហែងដល់សន្តិសុជាតិ។
បណ្តាញទីភ្នាក់ងារព័ត៌មានបារាំង AFP នៅថ្ងៃសៅរ៍ ទី១១ខែមិថុនា សម្រាប់ការបង្រៀនកម្មវិធីសិក្សាក្នុងឆ្នាំនេះ គ្រូបង្រៀនភាសាអង់គ្លេសជនជាតិដើម (NETs)និងអ្នកផ្តល់សេវាប្រឹក្សាដែលធ្វើការនៅក្នុងសាលាដែលគ្រប់គ្រងដោយរដ្ឋាភិបាលត្រូវតែចុះហត្ថលេខាលើសេចក្តីប្រកាសមួយដែលបង្ហាញពីភាពស្មោះត្រង់ត្រឹមថ្ងៃទី២១ខែមិថុនា។
សារព័ត៌មានអង់គ្លេស the guardian បានរាយការណ៍ថា ជាធម្មតា គ្រូជនជាតិដើមត្រូវបានជួលក្នុងកុងត្រារយៈពេល២ឆ្នាំដែលអាចកែប្រែបាន ដោយមានប្រាក់បៀវត្សរ៍ចាប់ពី៣២០០០ដុល្លារហុងកុង (៤១០០ដុល្លារអាមេរិក) ក្នុងមួយខែ រហូតដល់៧៤០០០ដុល្លារហុងកុង។
ក្នុងខែមេសា រដ្ឋាភិបាលបានរាយការណ៍ថា ១៣ភាគរយនៃគ្រូជនជាតិដើមក្នុងសាលាអនុវិទ្យាល័យ មានក្នុងឆ្នាំ២០២០-២០២១ ដែលជាតួលេខខ្ពស់បំផុតក្នុងរយៈពេល៥ឆ្នាំ។
ចាប់តាំងពីឆ្នាំ ២០២០មក ទីក្រុងហុងកុងដែលជាទីក្រុងស្វយ័តក្រោយការប្រគល់ទៅឲ្យនៅក្រោមរដ្ឋបាលរបស់ចិនដីគោកក្នុងឆ្នាំ១៩៩៧ពីប្រទេសអង់គ្លេស បានអនុវត្តលក្ខខណ្ឌផឹកទឹកសម្បថឬប្រកាសពីភាពស្មោះត្រង់ ភក្តីភាព នៃការចូលបម្រើការងារនៅទីក្រុងនេះ បន្ទាប់ពីកំណើននៃការហូរចូលគ្រូជនជាតិដើម។
ការតម្រូវឲ្យអនុវត្តបែបនេះគឺភាគច្រើនជាការងារនៅក្នុងវិស័យសាធារណៈ ដែលជាមធ្យោបាយមួយដើម្បីបំពេញការទាមទាររបស់រដ្ឋាភិបាលចិននៃភាពស្មោះត្រង់។
NETs ត្រូវតែប្រកាសថា ពួកគេនឹងប្រកាន់ខ្ជាប់ភាពស្មោះត្រង់ចំពោះហុងកុង និងរក្សាច្បាប់មូលដ្ឋាន ដែលជាអត្ថបទរដ្ឋធម្មនុញ្ញរបស់ទីក្រុង ព្រមទាំងទទួលខុសត្រូវចំពោះរដ្ឋាភិបាលផងដែរ។
អាជ្ញាធរបាននិយាយថា៖«ការធ្វេសប្រហែស ការបដិសេធ ឬបរាជ័យ» ដើម្បីចុះហត្ថលេខាលើសេចក្តីប្រកាសនឹងនាំទៅដល់ការបញ្ឈប់កិច្ចសន្យា។ នេះបើយោងតាម AFP។
អ្នកនាំពាក្យរដ្ឋាភិបាលបាននិយាយថា សេចក្តីប្រកាសថ្មីនឹង «ការពារបន្ថែមទៀត និងលើកកម្ពស់គុណតម្លៃស្នូលដែលគួរត្រូវបានគោរពដោយបុគ្គលិករដ្ឋាភិបាលទាំងអស់» និងធានាឱ្យមានអភិបាលកិច្ចប្រកបដោយប្រសិទ្ធភាព។
ទីក្រុងហុងកុងបានណែនាំកម្មវិធី NET ក្នុងឆ្នាំ ១៩៩៧ដើម្បីបង្កើនជំនាញភាសារបស់សិស្ស ហើយបានធ្វើឱ្យ NETs ក្លាយជាលក្ខណៈស្តង់ដារបន្តិចម្តងៗនៅក្នុងសាលាបឋមសិក្សា និងមធ្យមសិក្សា៕
