បាល់ទាត់ ៖ កីឡាករ Frenkie de Jong ទទួលបានការចាប់អារម្មណ៍ពីក្លឹប Manchester United បន្ទាប់ពីខ្សែបម្រើសញ្ជាតិហូឡង់ បានបង្ហាញខ្លួនដ៏អស្ចារ្យក្នុងជ័យជម្នះ ៣-២ លើក្រុម Wales ។

តារាឆ្នើមរបស់ក្លឹប Barcelona គឺជាគោលដៅកំពូលរបស់ Man Utd នៅរដូវក្តៅនេះ ខណៈដែលគ្រូបង្វឹកថ្មី Erik ten Hag ចង់ជួបជុំជាមួយអតីតកីឡាករដ៏សំខាន់អំឡុងពេលនៅ Ajax ។

នៅពេលសួរអំពីការចង់បានរបស់ Man Utd កីឡាករ De Jong បាននិយាយថា “អ្នកតែងតែសប្បាយនៅពេលដែលមានក្រុមផ្សេងបង្ហាញចំណាប់អារម្មណ៍លើអ្នកក្នុងនាមជាកីឡាករ ប៉ុន្តែខ្ញុំនៅក្លឹបដ៏ធំបំផុតក្នុងពិភពលោកនៅពេលនេះ ហើយខ្ញុំមានអារម្មណ៍ល្អនៅទីនេះ ដូច្នេះគ្មានអ្វីត្រូវនិយាយទេ”។

សូមរំលឹក De Jong បានលេងក្រោមការដឹកនាំរបស់ Ten Hag នៅពេលដែល Ajax ឈានដល់វគ្គពាក់កណ្តាលផ្តាច់ព្រ័ត្រនៃ Champions League ក្នុងឆ្នាំ២០១៩ មុនពេលចូលរួមជាមួយ Barcelona ៕
ប្រភព ៖ Daily Mail
សារ៉ាន ទីងី