អង្គការសុខភាពពិភពលោក កំពុងសម្រេចថាតើជំងឺអ៊ុតស្វា ត្រូវចាត់ទុកជាភាពអាសន្នដែរឬយ៉ាងណា
អង្គការសុខភាពពិភពលោក នឹងកោះប្រជុំគណៈកម្មាធិការសង្គ្រោះបន្ទាន់មួយនៅថ្ងៃ ព្រហស្បតិ៍ ដើម្បីវាយតម្លៃថាតើ ការផ្ទុះឡើងនៃជំងឺអ៊ុតស្វាត្រូវចាត់ចូលជាភាពអាសន្នសុខភាពសាធារណៈដែរឬយ៉ាងណា។
គួររម្លឹកថា នេះគឺជាការព្រមាន ចេញដោយទីភ្នាក់ងារអង្គការសហប្រជាជាតិ ដែលបច្ចុប្បន្នអនុវត្តតែចំពោះជំងឺរាតត្បាតកូវីដ-១៩ និងជំងឺស្វិតដៃជើងប៉ុណ្ណោះ។ បច្ចុប្បន្ន គេឃើញ្មានករណីឆ្លងចំនួន ១.៦០០ ករណី និងករណីសង្ស័យជំងឺអ៊ុតស្វា ១.៥០០ ករណីក្នុងឆ្នាំនេះ ខណៈករណីស្លាប់មានចំនួន ៧២ ករណីនៅឡើយ។ អង្គការសុខភាពពិភពលោក បាននិយាយថា ជំងឺនេះ រីករាលដាលនៅក្នុងប្រទេសចំនួន ៣៩ ប្រទេសហើយ ដែលសុទ្ធសឹងតែជាកន្លែងឆ្លងជាធម្មតា។
ជំងឺអ៊ុតស្វា ត្រូវបានគេចាត់ទុកថាជា ជំងឺរាតត្បាតនៅក្នុងផ្នែកខ្លះនៃទ្វីបអាហ្រ្វិក និងករណីកើនឡើងជាច្រើនទៀតនៅក្នុងប្រទេសទាំងនោះ និងជុំវិញពិភពលោកក្នុងរយៈពេលប៉ុន្មានខែថ្មីៗនេះ។ មេរោគនេះ បណ្តាលឱ្យមានរោគសញ្ញា ដូចជំងឺផ្តាសាយ និងដំបៅស្បែក ហើយរាលដាលតាមរយៈការទំនាក់ទំនងជិតស្និទ្ធ។
គេបានប៉ាន់ប្រមាណថា ករណីស្លាប់អាចនឹងកើនឡើងពី ៣ ទៅ ៦ ភាគរយ។ នេះបើយោងតាមអង្គការសុខភាពពិភពលោក ទោះបីជាមិនទាន់មានសេចក្តីរាយការណ៍ពីការស្លាប់នៅក្នុងការផ្ទុះឡើងនៅខាងក្រៅទ្វីបអាហ្រ្វិកក៏ដោយ។ ភាគច្រើន ករណីស្លាប់នៅឆ្នាំនេះ ភាគច្រើនកើតនៅសាធារណរដ្ឋប្រជាធិបតេយ្យកុងហ្គោ។
អគ្គនាយកអង្គការ WHO លោក Tedros Adhanom Ghebreyesus បាននិយាយថា នេះជាពេលវេលា យើងត្រូវពិចារណាលើការបង្កើនការឆ្លើយតបហើយ ដោយសារមេរោគនេះ មានអាកប្បកិរិយាខុសពីធម្មតា ប្រទេសកាន់តែច្រើនរងផលប៉ះពាល់ ហើយត្រូវការការសម្របសម្រួលជាអន្តរជាតិទើបបាន។
លោក Ibrahima Socé Fall នាយកផ្នែកសង្គ្រោះបន្ទាន់របស់អង្គការ WHO ប្រចាំទ្វីបអាហ្រ្វិក បាននិយាយថា៖ «យើងមិនចង់រង់ចាំរហូតដល់ស្ថានការណ៍វឹកវរគ្រប់គ្រងលែងកើតនោះទេ»។
កិច្ចប្រជុំគណៈកម្មាធិការនៅសប្តាហ៍ក្រោយ នឹងត្រូវបានបង្កើតឡើង ដោយអ្នកជំនាញសកល ប៉ុន្តែអគ្គនាយក WHO ធ្វើការសម្រេចចិត្តចុងក្រោយថាតើ ការផ្ទុះឡើងនៃជំងឺសម នឹងត្រូវគេចាត់ទុកជាបានគេស្គាល់អាសន្នសុខភាពសាធារណៈដែរឬទេ។
ប្រភព៖ CNA
