ប្រតិភូកិត្តិយសអ្នកទិញ អ្នកលក់ និងប្រព័ន្ធផ្សព្វផ្សាយមកពីជុំវិញពិភពលោក បានចូលរួមពិសាអាហារពេលល្ងាច ស៊ីធីអិម ២០១៩ ដែលជាពិព័រណ៍ទេសចរណ៍អន្តរជាតិធំជាងគេបង្អស់នៅក្នុងប្រទេសកម្ពុជា នាល្ងាចថ្ងៃទី១០ ខែតុលា ឆ្នាំ២០១៩ នៅភោជនីយដ្ឋានយីសាង រាជធានីភ្នំពេញ។

ពិធីនេះមានការអញ្ជើញចូលរួមក្រោមអធិបតីភាពឯកឧត្តម សូ ម៉ារ៉ា រដ្ឋលេខាធិការក្រសួងទេសចរណ៍ តំណាងដ៏ខ្ពង់ខ្ពស់ឯកឧត្តម ថោង ខុន រដ្ឋមន្ត្រីក្រសួងទេសចរណ៍ និងមានការចូលរួមពីសំណាក់ឯកឧត្តម វូក្វាងមិញ ឯកអគ្គរដ្ឋទូតវៀតណាមប្រចាំនៅកម្ពុជា លោក អ៊ុផារិន ប្រធានក្រុមហ៊ុន Slickbooth Co Ltd. លោក លូ ម៉េង ម្ចាស់ភោជនីយដ្ឋានយីសាង លោកជំទាវ ឆាយ ស៊ីវលីន ប្រធានក្រុមហ៊ុន ស៊ីអេអេ រួមនឹងឯកឧត្តម លោកជំទាវ លោក លោកស្រី ប្រតិភូកិត្តិយស អ្នកទិញ អ្នកលក់ និងប្រព័ន្ធផ្សព្វផ្សាយមកពីជុំវិញពិភពលោកជាច្រើនទៀតផងដែរ។

ឯកឧត្តម សូ វិសុទ្ធី អនុរដ្ឋលេខាធិការក្រសួងទេសចរណ៍ ក្នុងនាមឯកឧត្តមបណ្ឌិត ថោង ខុន រដ្ឋមន្រ្តីក្រសួងទេសចរណ៍ បានមានប្រសាសន៍ថា កម្មវិធីទេសចរណ៍ Cambodia Travel Mart (CTM) ជាពិព័រណ៍ពាណិជ្ជកម្មទេសចរណ៍ ដ៏សំខាន់មួយរបស់អាស៊ាន ដែលជាគោលដៅទេសចរណ៍រីកចម្រើននៅលើពិភពលោក។ អាជ្ញាធរខេត្ត សណ្ឋាគារ ភ្នាក់ងារទេសចរណ៍ ក្រុមហ៊ុនអាកាសចរណ៍ និងក្រុមហ៊ុនដឹកជញ្ជូន នឹងរួមគ្នាដើម្បីបង្ហាញនូវអ្វីដែលយើងអាចផ្តល់ជូនសម្រាប់ទេសចរ ។

ស៊ីធីអ៊ឹម បន្តរក្សាសន្ទុះរបស់ខ្លួនដោយផ្តល់នូវឱកាសអាជីវកម្មបន្ថែមទៀត មិនត្រឹមតែដល់ប្រទេសកម្ពុជាប៉ុណ្ណោះទេ ប៉ុន្តែនៅក្នុងតំបន់ទាំងមូល។ ប្រទេសកម្ពុជាជាព្រះរាជាណាចក្រអច្ឆរិយៈប្រកបដោយសន្តិភាព អរិយធម៌ចំណាស់បំផុតនៅអាស៊ីអាគ្នេយ៍ ជាផ្ទះនៃមរតកពាក្យអច្ឆរិយៈធម្មជាតិ និងទឹកដីនៃស្នាមញញឹមស្រស់ស្អាតបំផុត ដែលមនុស្សបានទាក់ទាញភ្ញៀវជាង៦,២ លាននាក់កាលពីឆ្នាំមុន។ ក្រោមការដឹកនាំរបស់ឯកឧត្តមបណ្ឌិត ថោង ខុន រដ្ឋមន្រ្តីក្រសួងទេសចរណ៍ បានមើលឃើញពីកំណើននិទស្សន្ត នៃឧស្សាហកម្មទេសចរណ៍ និងទេសចរណ៍នៃប្រទេសដែលបានរួមចំណែកជាង១៣% នៃផលិតផលក្នុងស្រុកសរុប និងការបង្កើតការងាររាប់លាន។

ឯកឧត្តម សូ វិសុទ្ធី សង្ឃឹមថា ស៊ីធីអ៊ឹម ឆ្នាំ២០១៩ នឹងនាំមកនូវលទ្ធផលល្អតាមរយៈកម្មវិធីជាច្រើនដូចជាការផ្គូផ្គងអាជីវកម្មសិក្ខាសាលារួមទាំងនិន្នាការក្នុងតំបន់ និងពិភពលោក និងឌីជីថល។ តាមរយៈ ស៊ីធីអ៊ឹម ២០១៩នេះ កម្ពុជានឹងផលិតសេវាកម្មទេសចរណ៍តំបន់ និងផ្សព្វផ្សាយយ៉ាងទូលំទូលាយទៅកាន់ទីផ្សារទេសចរណ៍ ដែលមានស្រាប់ និងថ្មីដើម្បីទាក់ទាញភ្ញៀវទេសចរអន្តរជាតិមកទស្សនាប្រទេសកម្ពុជា៕ធ.ដ