ខេត្តសៀមរាម ៖ ដោយយោងទៅតាមសេចក្តីរាយការណ៍របស់កម្លាំងសមត្ថកិច្ចនគរបាល នៃស្នងការដ្ឋាននគរបាលខេត្តសៀមរាម ក្នុងការធ្វើសម្រង់ទិន្នន័យចំនួនមនុស្ស ដែលបានកំពុងស្នាក់នៅក្នុងជំរុំចំការ លោក ខឹម វាសនា ប្រធានគណបក្សLDP គិតត្រឹម ថ្ងៃទី០៥ កញ្ញា មានចំនួនសរុប ១ពាន់៧៣៧នាក់ ។ ក្រោយពីធ្វើសម្រង់ស្ថិតិរួចមក ក៏មានបងប្អូនប្រជាពលរដ្ឋបានចាក ចេញជាបន្តបន្ទាប់ តែសំខាន់នៅក្នុងរាត្រីថ្ងៃទី០៦ កញ្ញា ប្រជាពលរដ្ឋបានចាក់ចេញ មានចំនួនសរុប ៥៩៦នាក់ ក្នុងនោះ មានស្រី ២២នាក់ និង កុមារតូចៗ ៧៥នាក់ផងដែរ ។

សូមបញ្ជាក់ផងដែរថា មកដល់រសៀលថ្ងៃទី ០៧ កញ្ញា ក៏នៅមានបងប្អូនប្រជាពលរដ្ឋ មកពីបណ្តា រាជធានី ខេត្តនានា បានចូលមកដាក់ពាក្យបណ្តឹងជាមកម្លាំងសមត្ថកិច្ចយើង ដើមី្បស្វែងរកប្រពន្ធ ប្តី កូន ក្មួយ ដែលបានបាត់ដំណឹងនៅក្នុងចំការលោក ខឹម វាសនា ចាប់ពីថ្ងៃទី២៤សីហា មកដល់ពេលនេះ គ្មានផ្តល់ដំណឹងដល់ក្រុមគ្រួសារ និងខ្លះទៀតដាក់ពាក្យមកយកសម្ភារៈ រថយន្ត ម៉ូតូ ដែលត្រូវបានបងប្អូនខ្ចីជឹះ ហើយយកមកចោលនៅទីចំការនេះ ។ ក្នុងនោះដែរយើងសង្កេតឃើញបងប្អូនពលរដ្ឋ ដែលមកស្វែងរក ប្រពន្ធ ប្តី កូន ក្មួយ បានត្រូវកម្លាំងសមត្ថកិច្ច យើងជូនដំណើរ ចូលទៅក្នុងជំរុំចំការម្រេច ។ បងប្អូនមួយចំនួនក៏រកបងប្អូនមិនឃើញនៅទីនោះ ខ្លះទៀតបានជួបប្រពន្ធ និង កូន តែពួកគេមិនព្រម មកជាមួយម្តាយ ឬបី្តឡើយ ដោយពួកគេបានលើកឡើងថា ពួកគេនៅទីនេះមានសេចក្តីសុខណាក់ជាមួយពូព្រហ្ម ។

តាមការបញ្ជាក់របស់លោកឧត្តមសេនីយត្រី តេង ចាន់ណាត ស្នងការនគរបាលខេត្តសៀមរាប ក៏បានបញ្ជាក់ ឲ្យដឹងថា ចំពោះស្ថានភាពនៅចំការ លោក ខឹម វាសនានេះ មកដល់វេលាម៉ោង ១៧ ថ្ងៃទី០៧ កញ្ញា កម្លាំងសមត្ថកិច្ចយើងបានចូលទៅធ្វើការគ្រប់គ្រងក្នុងចំការ ដែលមានពលរដ្ឋនៅសេសសល់ប្រមាណ ៤០០នាក់ ដែលជាសមាជិករបស់ គណបក្ស LDP ហើយចំពោះប្រជាពលរដ្ឋមួយចំនួនក៏បានចាប់ចេញជាបណ្តើរៗបន្តទៀតផងដែរ ។ ក្នុងនោះស្ថានភាពនោះដែរ លោកមានការព្រួយបារម្ភយ៉ាងខ្លាំង ចំពោះបញ្ហាសុខភាពពួកអ្នកទាំងនោះ សំខាន់ចំពោះកុមារ ដែលមានសភាព ស្លេកស្លាំង ដោយការស្នាក់នៅមិនសមរម្យ ហើយបញ្ហាសំខាន់នោះ ចំពោះបញ្ហាជម្ងឺឆ្លង ដែលបងប្អូនត្រូវប្រឈមទៅនឹងហានីភ័យ នៃជម្ងឺកូវិដ១៩ ។

សូមបញ្ជាក់ផងដែរថា ក្នុងពេលថ្មីៗនេះ ក្រោយពេលដែលការប្រមូលផ្តុំនៅចំការលោក ខឹម វាសនា ត្រូវបានធ្វើ ការរំសាយ ក៏មានបុគ្គលឈ្មោះ នី ចាន់ពិនិត្យ ដែលគេបានស្គាល់ជាអនុប្រធានគណបក្ស LDP បានដាក់លិខិតមួយច្បាប់ទៅរដ្ឋបា

លខេត្តសៀមរាប សុំឲ្យអាជ្ញាធរខេត្ត ជួយធ្វើអន្តរាគមន៍ បណ្តេញប្រជាពលរដ្ឋដែលនៅសេសសល់ក្នុងចំការរបស់ខ្លួននៅជើងភ្នំគូលែន ក្រោយពីការរំសាយការជួបជុំនោះ ៕ សេឌី