អាមេរិក៖ ក្រុមហ៊ុន Apple បាន ដាក់ បង្ហាញ ស្មាត ហ្វូនសេរីថ្មី របស់ខ្លួន កាល ពីថ្ងៃ ទី០៧ ខែ កញ្ញា ដែលមាន តម្លៃ ប្រហាក់ ប្រហែល នឹង ម៉ូដែល ឆ្នាំ មុន ដែរ បើទោះ បី ជា អតិផរណា និង ខ្សែ សង្វាក់ ផ្គត់ផ្គង់ មាន បញ្ហាក៏ ដោយ។ តម្លៃ iPhone 14 នឹង ដាក់ លក់ ចាប់ ពី តម្លៃ ៩២៥ដុល្លារ សម្រាប់ ប្រទេស មួយចំនួន នៅ អាស៊ី អាគ្នេយ៍។
តាម រយៈបទ បង្ហាញ ពី ផលិតផល ថ្មី របស់ ខ្លួន នៅ ឯស្នាក់ការ ក្រុម ហ៊ុន ក្នុង រដ្ឋកាលីហ្វូញ៉ា ក្រុម ហ៊ុន បច្ចេក វិទ្យាអាមេរិក មួយ នេះ មិន បាន បង្ហាញ បច្ចេក វិទ្យាថ្មី ណា មួយ ដ៏ភ្ញាក់ ផ្អើល នោះ ទេ ពោល គឺ មិន ខុស ពី ពាក្យ បែក ធ្លាយប៉ុន្មាន សប្តាហ៍ មុន ព្រឹត្តិការណ៍ ដាក់ បង្ហាញ ផលិផលថ្មី កើត ឡើង នោះឡើយ។

និយាយ ជា រួម iPhone 14 និង 14 Plus មិន ខុស គ្នា ប៉ុន្មាន ពី ទូរស័ព្ទ iPhone 13 ជំនាន់ មុន ទេ មិន ត្រឹម តែ មិន ខុស គ្នា ទាំង រូបរាង រចនាបទ ហើយ ប៉ុន្តែ វា ថែម ទាំង បំពាក់ ឈីប A15 ដូច គ្នា ទៀត ។ អ្វី ដែល គួរ ឲ្យ ចាប់ អារម្មណ៍ iPhone 14(US) នឹង មិន មាន រន្ធ សម្រាប់ ដាក់ ស៊ីមកាត ទៀត ទេ។ ដូច្នេះ អ្នក ប្រើ ត្រូវ តែ ប្រើ eSIM ដោយ ជៀស មិនរួច ។ សម្រាប់ ម៉ូដែល iPhone ជំនាន់ ថ្មី នេះ នឹង មាន ភ្ជាប់ ជា មួយ ផ្កាយ រណប នៅ ពេល លោក អ្នក មិន ស្ថិត នៅក្នុង តំបន់ ដែល មាន សេវាទូរស័ព្ទ។

ប៉ុន្តែអ្វីដែល គួរ ឲ្យ ចាប់ អារម្មណ៍ នេះ គឺ ទូរស័ព្ទ iPhone 14 Pro និង iPhone 14 Pro Max បាន លុប ចោល នូវឆក ដ៏ធំ លើ អេក្រង់ ខាង មុខ ដោយ ដាក់ មក វិញ នូវ ឆកតូច ភ្ជាប់ ជា មួយ កាមេរ៉ាខាង មុខ របស់ វា។ សម្រាប់ ម៉ូដែល ទាំង ពីរ នេះ មាន ភ្ជាប់ មក ជា មួយ នូវ មុខងារ Always-On display ដែល មាន រាប់ ឆ្នាំ មក ហើយ នៅ លើ ទូរស័ព្ទ ដៃប្រភេទ Android។ ដូចគ្នានេះ ដែរ វា ក៏ អាច ភ្ជាប់ ទៅ កាន់ ផ្កាយ រណប នៅ ពេល លែង មាន សេវា ទូរស័ព្ទ។ iPhone 14 ទាំង ពីរ នេះ បំពាក់ ដោយ កាមេរ៉ា ទំហំ ៤៨MP ជា លើក ដំបូង និង ដាក់ បញ្ចូល ដោយ បន្ទះ ឈីប ជំនាន់ ចុងក្រោយ របស់ Apple គឺបន្ទះ ឈីប A16 Bionic។

តម្លៃទូរស័ព្ទទំនើប iPhone 14 នឹងដាក់លក់ចាប់ពី ៩២៥ដុល្លារអាមេរិកសម្រាប់ទំហំផ្ទុក ១២៨GB ខណៈម៉ូដែល iPhone 14 Plus នឹងមានទំហំអេក្រង់ធំជាងបន្តិច ដែលនឹងត្រូវដាក់លក់ក្នុងតម្លៃចាប់ពី ១,០៦៦ដុល្លារទៅ។ តម្លៃទាំងនេះ គឺជាតម្លៃដែលដាក់លក់ផ្លូវការនៅក្នុងប្រទេសសិង្ហបុរី។ កាន់តែថ្លៃជាងនេះ គឺទូរស័ព្ទ iPhone 14 Pro ដែលមានជម្រើសផ្ទុកទិន្នន័យទំហំចាប់ពី ១២៨GB ទៅ ១TB នឹងត្រូវដាក់លក់ក្នុងតម្លៃ ១,១៧៣ដុល្លារ។ ចំណែកម៉ូដែល iPhone 14 Pro Max នឹងត្រូវដាក់លក់ក្នុងតម្លៃចាប់ពី ១២៨០ដុល្លារឡើងទៅ។

សម្រាប់ នៅ ក្នុង ប្រទេស សិង្ហបុរី ការ បញ្ជា ទិញនឹង អាច ចាប់ ផ្តើម បាន ចាប់ ពី ថ្ងៃ សុក្រ ទី១០ ខែ កញ្ញា ទៅ។ ទូរ ស័ព្ទ ម៉ូដែល iPhone 14 និង iPhone 14 Plus នឹង មាន វត្តមាន នៅ លើ ទីផ្សារ ចាប់ ពីថ្ងៃទី១៦ ខែកញ្ញា និងថ្ងៃទី៧ ខែតុលា ៕
ដោយ:យ៉ាន អាន