ចំនួនមនុស្សស្លាប់ដោយសារអគ្គិភ័យឆាបឆេះខារ៉ាអូខេមួយកន្លែងនៅវៀតណាម បានកើនដល់ ៣៣នាក់ហើយ នេះបើតាមអាជ្ញាធរបញ្ជាក់ឲ្យដឹង កាលពីយប់ថ្ងៃទី៧ ខែកញ្ញា ឆ្នាំ២០២២ ។

នគរបាលថា ក្នុងចំណោមមនុស្សស្លាប់៣៣នាក់ មានបុរស ១៧នាក់ និងស្ត្រី១៦នាក់ ខណៈដែលប្រតិបត្តិការស្វែងរកមនុស្សបាត់ខ្លួនបានបញ្ចប់ហើយ។

ហាងខារ៉ាអូខេមួយបានឆេះ នៅខេត្ត ប៊ិញឌឿង (Binh Duong) ភាគខាងត្បូង កាលពីយប់ថ្ងៃអង្គារទី៦ កញ្ញា ២០២២ ដោយដំបូងឡើយ ស្លាប់ត្រឹម ១២នាក់ប៉ុណ្ណោះ ។

អគ្គិភ័យបានរីករាលដាលយ៉ាងឆាប់រហ័ស និងបានជាប់គាំងបុគ្គលិក និងអតិថិជនជាច្រើននៅខាងក្នុង ដែលគ្របដណ្ដប់លើផ្ទៃដីជាង ៤០០ ម៉ែត្រការ៉េ នៅជាន់ទី ២ និងទី៣ នៃបន្ទប់ជួល ៣ជាន់ ដោយគេដឹងថា ហាងខារ៉ាអូខេនេះបានដំណើរការ អស់រយៈពេល ៥ឆ្នាំ ។

អាជ្ញាធរបានប្រើពេល ៤០នាទី ទើបរថយន្តពន្លត់អគ្គិភ័យ ១៣គ្រឿងបាញ់ពន្លត់៕ ប្រភពពី VNexpress , ដោយ៖ សារ៉ាត