ភ្នំពេញ៖ ថ្លែងក្នុងពិធីបិទសន្និបាតកាយរិទ្ធជាតិកម្ពុជា ដែលពិធីនេះធ្វើឡើងនៅវិទ្យាស្ថានបច្ចេកវិទ្យាកម្ពុជា នារសៀលថ្ងៃចន្ទ ទី១០ ខែតុលា ឆ្នាំ២០២២ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានលើកឡើងថា នយោបាយអត់មានក្រឹត្យក្រម ឬស្តង់ដារតែមួយនោះទេ មានតែកីឡាទេ ដែលមានស្តង់ដារតែមួយនោះ ។

សម្តេចតេជោ ហ៊ុន សែន បានបញ្ជាក់ថា ប្រទេសខ្លះ ប្រកាន់យករបបតាមប្រព័ន្ធសភានិយមដូចគ្នា ប៉ុន្តែប្រទេសខ្លះបោះឆ្នោតតាមប្រព័ន្ធឯកត្តនាម និងប្រទេសខ្លះទៀត បោះឆ្នោតតាមប្រព័ន្ធសមាមាត្រទៅវិញ ។

សម្តេចតេជោ ហ៊ុន សែន បានបន្ថែមថា សម្រាប់ប្រទេសដែល ប្រកាន់យកតាមរបបប្រធានាធិបតីវិញ មានប្រទេសខ្លះបោះឆ្នោតតែមួយជុំ ចំណែកប្រទេសខ្លះទៀត បោះឆ្នោត ២ជុំ ៕ ដោយ វណ្ណលុក