ឆ្នាំជូត

សម្រាប់លោកអ្នកដែលកើតឆ្នាំជូត នាមសត្វកណ្តុរ ធាតុទឹក ពង្សទេវតាប្រុស។ រាសីអស់លោកអ្នកនៅក្នុងថ្ងៃនេះឡើងខ្ពស់ត្រដែត។ ថ្ងៃនេះជាពេលវេលាល្អប្រសើរសម្រាប់ការ ធ្វើទំនាក់ទំនងជាមួយនឹងដៃគូ និងការបូកសរុបរាល់ការចំណាយផ្នែកពាណិជ្ជកម្ម ផល ចំណេញក៏នឹងបានទទួល។ លោកអ្នកនឹងមានជោគជ័យចំពោះការចំណាយដើមទុន ការ ផ្ទេរផ្ទូរចលន និងអចលនទ្រព្យ។ ចំពោះបញ្ហានៅក្នុងពេលនេះមិនមានអ្វីដែលគួរអោយអ្នក ព្រួយបារម្ភថានឹងប៉ះពាល់ទៅដល់មុខរបរនោះទេ។ លើសពីនេះ លោកអ្នកមានឳកាសដើម្បី បំពេញការងារអោយសម្រេចទាន់ពេលវេលា ហើយអាចធ្វើការគ្រប់គ្រងស្ថានភាពបាន ប្រសើរ។

ឆ្នាំឆ្លូវ

សម្រាប់លោកអ្នកដែលមានកំណើតឆ្នាំឆ្លូវ នាមសត្វគោ ធាតុដី ពង្សមនុស្សប្រុស។ រាសីអស់លោកអ្នកក្នុងថ្ងៃនេះល្អមធ្យម។ ថ្ងៃនេះនឹងមានអំណោយផលជាពិសេសទៅលើលោក អ្នកដែលបំពេញការងារផ្នែកសិល្បៈ។ រាល់ការងារទាំងឡាយនឹងទទួលបានផលសម្រេច គាប់ចិត្ត ហេតុនេះអ្នកអាចកាលវិភាគដើម្បីតាមបង្ហាញស្នាដៃ ការធ្វើបទបង្ហាញ និងការ តាំងពិព័រណ៍ស្នាដៃនានាផងដែរ។ សម្រាប់អាជីពរបស់លោកអ្នកក្នុងពេលនេះគឺស្ថិតនៅក្នុង​ ជំហានដំបូង។ អ្នកមិនអាចគិតគូរពីអ្វីផ្សេងក្រៅពីការងារបានទេ ប៉ុន្តែវាគ្មានហេតុផលណា មួយដែលអោយអ្នកសំកុកនៅកន្លែងការលើសកំរិតនោះទេ។ សូមបំពេញការងារទៅតាម គម្រោង និងកាលវិភាគគឺជាការគ្រប់គ្រាន់សម្រាប់ពេលនេះ។  

ឆ្នាំខាល

សម្រាប់លោកអ្នកដែលមានកំណើតឆ្នាំខាល នាមសត្វខ្លា ធាតុឈើ ពង្សយក្សស្រី។ រាសីអស់លោកអ្នកថ្ងៃនេះឡើងខ្ពស់ត្រដែត។ លោកអ្នកនឹងទទួលបានលាភសំណាងច្រើនណាស់ក្នុងថ្ងៃនេះ រួមទាំងជីវិតឯកជន និងកិច្ចការ។ ទ្រព្យសម្បត្តិ មុខតំណែងនឹងទទួលបានដំណឹងយ៉ាងជាក់ប្រាកដក្នុងរយៈពេលរសៀល ហើយដែលនាំដំណឹងមកឲ្យដោយមនុស្សជាទីស្រលាញ់រាប់អាន។ ទន្ទឹមនឹងនេះ សូមរក្សាកេរ្តិ៍ឈ្មោះ កុំធ្វើឲ្យមានកំហុសព្រោះអាកប្បកិរិយា​ និងពាក្យសំដីព្រោះការឆេវឆាវ។ ការបណ្តាក់ទុនលើកិច្ចការងារថ្មី ប្រព្រឹត្តិទៅដោយសញ្ញាណជោគជ័យ និងមានលក្ខណៈរឹងមាំក្នុងពេលយូរ។

ឆ្នាំថោះ

សម្រាប់លោកអ្នកដែលមានកំណើតឆ្នាំថោះ នាមសត្វទន្សាយ ធាតុឈើ ពង្សមនុស្សស្រី។ រាសីអស់លោកអ្នកឡើងខ្ពស់ត្រដែត។ លោកអ្នកអាចនឹងមានលាភសំណាងដែលមិនបានរំពឹងទុកជាមុន។ សម្រាប់សកម្មភាពអាជីពនានាឃើញថានឹងទទួលបានផលល្អប្រសើរ មានមនុស្សច្រើនជួយទំនុកបម្រុង។ ប៉ុន្តែសូមលោកអ្នករក្សាការរស់នៅធម្មតា សូមកុំសម្តែងប្រាប់គេពីភាពជោគជ័យរបស់ខ្លួនឡើយ ត្រូវចេះលាក់អាថ៌កំបាំង ដើម្បីជៀសវាងការឈ្នានីស។  ដោយឡែក ថ្ងៃនេះនឹងជាពេលវេលាដែលមានស្ថេរភាពល្អប្រសើរបំផុត សម្រាប់លោកអ្នក ដែលរកស៊ីទាក់ទងនឹងផ្នែកលក់ចេញទិញចូលចលន និងអចលនទ្រព្យ ពីព្រោះផល ចំណេញមានកំរិតខ្ពស់។

ឆ្នាំរោង

​សម្រាប់លោកអ្នកដែលមានកំណើតឆ្នាំរោង នាមសត្វនាគ ធាតុមាស ពង្សទេវតាប្រុស។ ​ រាសីលោកអ្នកក្នុងថ្ងៃនេះល្អជាមធ្យម។ មុខរបររកស៊ីជួញដូរកាក់កបជាធម្មតា ចំណែកអ្នកប្រកបការងារវិញ ក៏សម្រេចបានផ្លែផ្កានឹងការទទួលស្គាល់សមត្ថភាពការងារពីក្រុមការងារផងដែរ។ ដោយឡែក តំណែងការងារ និងផលប្រយោជន៏ធំដុំ មិនទាន់ទទួលបានក្នុងពេលនេះទេ។ សូមកុំទាន់បាក់ទឹកចិត្ត ខំប្រឹងបន្តទៅទៀត។ រក្សាទំនាក់ទំនងឲ្យបានល្អជាមួយមនុស្សដែលនៅក្បែរ ពីព្រោះពួកគេអាចជួយទំនុកបម្រុង និងយកអាសារលោកអ្នកបាន។ ទន្ទឹមនឹងនេះ សូមអនុវត្តការងារជាមួយភាពត្រឹមត្រូវ និងស្មោះត្រង់ជានិច្ចទើបប្រសើរ។

ឆ្នាំម្សាញ់

សម្រាប់លោកអ្នកដែលមានកំណើតឆ្នាំម្សាញ់ នាមសត្វពស់ ធាតុភ្លើង ពង្សមនុស្សប្រុស។ ​​  រាសីអស់លោកអ្នកនៅក្នុងថ្ងៃនេះឡើងខ្ពស់ត្រដែត។ ថ្ងៃនេះមានសញ្ញាណនៃភាពរីករាយគ្រប់ទិសទី។ ការងារ និងមុខរបររបស់អ្នករីកចម្រើនខ្លាំងណាស់ ចំណែកលុយកាក់វិញហូរចូលយ៉ាងសន្ធឹកសន្ធាប់ ប៉ុន្តែរក្សាភាពជោគជ័យនេះ ព្រោះគ្មានប្រយោជន៍អីត្រូវអួតអាងទេ។ ស្ងប់ស្ងាត់ឲ្យដូចជាទឹក។ ពេលវេលាល្អសម្រាប់ធ្វើកិច្ចការ និងពិធីមង្គលមានពេញមួយថ្ងៃ ដូច្នេះលោកអ្នកអាចសម្រេចធ្វើពេលណាក៏បានផល ដោយឥតមានជំទាស់ដែរ។ ក្រៅពីនេះ សូមយកចិត្តទុកដាក់នឹងទំនាក់ទំនងជាមួយមនុស្សដែលនៅជិតស្និទ្ធបំផុត។

ឆ្នាំមមី

សម្រាប់លោកអ្នកដែលមានកំណើតឆ្នាំមមី នាមសត្វសេះ ធាតុភ្លើង ពង្សទេវតាសី្រ។ រាសីអស់លោកអ្នកល្អជាមធ្យម។ សម្រាប់អ្នកប្រកបអាជីវកម្ម នឹងទទួលបានការគាំទ្រច្រើន ប៉ុន្តែមានអ្នកច្រណែនក៏ច្រើនដែរ។ សម្រាប់អ្នកប្រកបការងារ នឹងសម្រេចផលជាទីគាប់ចិត្ត ប៉ុន្តែចូររក្សាទំនាក់ទំនងជាមួយចៅហ្វាយនាយឲ្យបានល្អ។ សូមកុំខ្វល់ខ្វាយជាមួយបញ្ហាតូចតាច ពីព្រោះអ្វីៗនៅក្នុងថ្ងៃនេះស្ថិតក្នុងការគ្រប់គ្រង។ ថ្ងៃនេះលោកអ្នកមានអំណោយផលខ្លាំងចំពោះភាពទាក់ទាញខាងក្រៅ ដូច្នេះសូមគិតគូរអំពីការរៀបចំខ្លួនបានអោយបានល្អប្រសើរ ដើម្បីអ្នកទទួលបានឳកាស និងភាពវិជ្ជមានក្នុងទំនាក់ទំនង។

ឆ្នាំមមែ

សម្រាប់លោកអ្នកដែលមានកំណើតឆ្នាំមមែ នាមសត្វពពែ ធាតុមាស ពង្សទេវតាសី្រ។ រាសីអស់លោកអ្នកថ្ងៃនេះស្រុតចុះ។ រាល់កិច្ចការរកស៊ីជួញដូររបស់លោកអ្នកនៅទ្រឹង ក៏ព្រោះតែភាពអសកម្មមួយចំនួនដែលកើតឡើងច្រើនស្របគ្នាក្នុងពេលតែមួយ។ ថ្ងៃនេះលោកអ្នកអាចមានការលំបាកក្នុងការកែប្រែស្ថានការណ៍បន្តិច ដូច្នេះសូមបណ្តោយហេតុការណ៍ខ្លះឲ្យរលត់ស្ងប់ទៅវិញ ឬត្រូវបំភ្លេចចោលខ្លះទើបជាការប្រសើរដល់អារម្មណ៍របស់អ្នក។ សូមកុំបារម្ភ ប្រសិនជាអ្នកមិនទាន់ទទួលដំណឹងពីថ្នាក់លើ សូមបន្តកិច្ចការងាជាធម្មតា និងធ្វើអ្វីឲ្យមានភាពទាក់ទាញ។

ឆ្នាំវក

សម្រាប់លោកអ្នកដែលមានកំណើតឆ្នាំវក នាមសត្វស្វា ធាតុដែក ពង្សយក្សប្រុស។ រាសីអស់លោកអ្នកនៅក្នុងថ្ងៃនេះស្រុតចុះ។ សូមប្រយ័ត្នលើកិច្ចការងារ និងអាជីវកម្ម ព្រោះលោកអ្នកអាចចាញ់ឧបាយកលបោកបញ្ឆោតគេ ដោយឡែកការជឿទុកចិត្តត្រូវប្រុងប្រយ័ត្នបំផុតក្នុងថ្ងៃនេះ។ ភាពស្ងប់ផ្តល់នូវការគិតវែងឆ្ងាយ និងមិនអាចឲ្យគេចាប់ថ្នាក់អ្នកបាន ពីព្រោះក្នុងពេលនេះអ្នកកំពុងមានមនុស្សចាំមើលបំណាំ។ កុំធ្វើជាមនុស្សសង្ស័យច្រើន បណ្តោយរឿងណាត្រូវកើតឲ្យវាកើត ប៉ុន្តែត្រៀមផ្លូវដោះស្រាយដោយឆ្លាតវៃ។ ក្រៅពីនេះ សូមយកចិត្តទុកដាក់នឹងស្ថានភាពនៅជុំវិញខ្លួន ហើយព្យាយាមប្រមូលពត៌មានអោយបាន ច្រើនបំផុត។

ឆ្នាំរកា

សម្រាប់លោកអ្នកដែលមានកំណើតឆ្នាំរកា នាមសត្វមាន់ចែ ធាតុដែក ពង្សយក្សប្រុស។  រាសីលោកអ្នកក្នុងថ្ងៃនេះល្អជាមធ្យម។ ថ្ងៃនេះអ្នកត្រូវចំណាយកំលាំងច្រើនជាងមុនក្នុងការប្រតិបតិ្តកិច្ចការងារ។ កុំពាក់ព័ន្ធនឹងជម្លោះ ហើយប្រុងប្រយ័ត្នក្នុងមុខរបរអាជីវកម្ម និងការងារ ប្រយ័ត្នមានកំហុសផ្នែកបញ្ជី ឬឯកសារសំខាន់។ មានបញ្ហាតូចតាចខ្លះអាចកើតឡើង ប៉ុន្តែអ្នកអាចសង្គ្រោះខ្លួនឲ្យចេញពីបញ្ហាទាំងឡាយ ប្រសិនបើអ្នករក្សាភាពស្ងប់ស្ងាត់ និងអត់ធ្មត់។ ក្រៅពីកិច្ចការងារ សូមលោកអ្នករកពេលវេលាខ្លះដើម្បីផ្តល់ជូនមនុស្សដែល ជាទីគោរពស្រលាញ់ ដោយសារភាពរយាលអាចបង្កអស្ថេរភាពទំនាក់ទំនងផ្ទាល់ខ្លួន។

ឆ្នាំច

សម្រាប់លោកអ្នកដែលមានកំណើតឆ្នាំច នាមសត្វឆ្កែ ធាតុដី ពង្សយក្សស្រី។ រាសីអស់លោកអ្នកថ្ងៃនេះឡើងខ្ពស់ត្រដែត។ សូមកុំខកខានឳកាសដើម្បីទទួលបានភាពរីកចម្រើនក្នុងអាជីវកម្ម​ និងការងារឲ្យសោះ​ក្នុងពេលនេះ សូមមានភាពរហ័សរហួស ចាប់យកឳកាសទាំងឡាយដែលកើតឡើងចំពោះអ្នក។ ដំណឹងល្អទាក់ទងនឹងអាជីព ឬតំណែងការងារមានពន្លឺហើយនៅថ្ងៃនេះ។ សំណាងរបស់លោកអ្នក គឺមាននៅពេលព្រឹក ប៉ុន្តែសូមរក្សាអាកប្បកិរិយាឲ្យបានល្អ។ ចូររក្សាចិត្តឲ្យរឹងមាំ អត់ធ្មត់ ហើយដើរចេញពីជម្លោះ ពីព្រោះវានឹងធ្វើឲ្យអាជីវកម្មរបស់អ្នកខាតបង់។ ដោយឡែក សម្រាប់ការធ្វើដំណើរផ្លូវឆ្ងាយគួរកុំប្រញាប់ប្រញាល។

ឆ្នាំកុរ​

សម្រាប់លោកអ្នកដែលមានកំណើតឆ្នាំកុរ  នាមសត្វជ្រូក ធាតុទឹក ពង្សមនុស្សស្រី។ រាសីអស់លោកអ្នកក្នុងថ្ងៃនេះល្អជាមធ្យម។ អាជីវកម្ម កិច្ចការងារផ្សេងៗមានដំណើរការល្អ ប៉ុន្តែអ្នកត្រូវខំប្រឹងប្រែងជានិច្ច​ និងមិនត្រូវដាក់ការសង្ឃឹមលើថ្ងៃនេះច្រើនហួសពេកទេ។ ចូរធ្វើតាមគំនិតយោបល់របស់ខ្លួនឯង តែមិនត្រូវបដិសេធគំនិតមិត្តរួមការងារ និងដៃគូអាជីវកម្មឡើយ ប្រសិនបើអ្នកមិនចង់ស្ថិតក្នុងស្ថានភាពលំបាក។ ប៉ុន្តែកុំភ្លេចប្រើប្រាស់បទពិសោធន៍ខ្លួនឲ្យអស់ពីសមត្ថភាព។ ក្រៅពីនេះ សូមលោកអ្នកព្យាយាមរក្សាទំនាក់ទំនងជិតស្និទ្ធបំផុត ជាមួយមនុស្សនៅក្បែរខ្លួន ហើយក៏គួរស្វែងយល់ពីសមត្ថភាពបំពេញការងារពីគេផងដែរ។

ចំណាំៈ

ឆ្នាំទាំង៥ ជូត ខាល ថោះ ម្សាញ់ ច រាសីឡើងខ្ពស់ត្រដែត។ ថ្ងៃនេះជាពេលវេលាទ្រព្យសម្បត្តិ និងមង្គល។ លោកអ្នកនឹងទទួលបានផលចំណេញច្រើន ក្នុងផ្នែកអាជីវកម្ម។ ចំណែកការបណ្តាក់ទុន គឺកាន់តែប្រសើរ។