ថៃ៖ការរញ្ជួយដីកម្រិត 4.1 រ៉ិចទ័របានវាយប្រហារខេត្តឈៀងម៉ៃ(Chiang Mai) និងព្រា( Phrae) កាលពីថ្ងៃពុធ និងថ្ងៃព្រហស្បតិ៍ បណ្តាលឱ្យមានស្នាមប្រេះនៅក្នុងផ្ទះ និងអគារជាច្រើននៅក្នុងស្រុក ដូយ សាកេត(Doi Saket) នៃខេត្តឈៀងម៉ៃ។

អាជ្ញាធរថៃ បានពន្យល់ក្នុងសន្និសីទសារព័ត៌មានតាមរយៈប្រព័ន្ធអនឡាញ ហ្វេសប៊ុក នៅថ្ងៃព្រហ​ស្បតិ៍ថា ការរញ្ជួយដីកើតឡើងជាបន្តបន្ទាប់ចំនួនប្រាំបីដងនៅព្រា និង ឈៀងម៉ៃ ។

លោក ទីនណាកន ថាថុង(Tinnakorn Thathong )ប្រធានផ្នែកភូមិសាស្ត្រនៃនាយកដ្ឋាធនធានរ៉ែ បាននិយាយក្នុងសន្និសីទសារព័ត៌មានថា មានការរញ្ជួយដីចំនួនប្រាំបីដងដែលមានកម្រិតពី 1.5 ទៅ 3.9 រិចទ័រ នៅក្នុងស្រុក Phrae’s Long កាលពីថ្ងៃពុធ និងថ្ងៃអង្គារ។ លោក ទីនណាកន បាននិយាយថា ការរញ្ជួយដីវាយប្រហារផ្ទះសម្បែងនិងអគារ ស្ថិតនៅពីទិសឦសាន ទៅទិសនិរតី ។

លោក​បាន​និយាយ​ថា ការ​រញ្ជួយ​ដី​នៅ​ក្រុង ព្រា មាន​នៅ​ស្រុក សុង(Song), ស៊ុងមេន(Sung Men), វ៉ាងជីន(Wang Chin), ដែនចៃ(Den Chai) និង មឿង(Muang) និង​ស្រុក ថាប្លា(Tha Pla )នៃ​ខេត្ត ឧត្តារ៉ាឌី(Uttaradit) ប៉ុន្តែ​មិន​មាន​របាយការណ៍​អំពី​ការ​ខូច​ខាត​ទេ។ការរញ្ជួយដីកម្រិត 4.1 រ៉ិចទ័រត្រូវបានកត់ត្រានៅក្នុងស្រុកដូយសាកេត នៃខេត្តឈៀងម៉ៃ នៅម៉ោង 4.36 ព្រឹកថ្ងៃព្រហស្បតិ៍។

លោក Tinnakorn​បាន​និយាយ​ថា ការ​រញ្ជួយ​បាន​នៅ​ក្នុង​ស្រុក​មួយ​ចំនួន​នៃ​ខេត្តឈៀងម៉ៃ និង​ខេត្ត ឡាំផន(Lamphun) ដែល​នៅ​ជិត​ខាង។

លោក ទីនណាកន បាននិយាយថា ការរញ្ជួយនេះបណ្តាលឱ្យមានស្នាមប្រេះនៅក្នុងអគារសាលា រៀន និងទីតាំងមួយចំនួនទៀត។សារព័ត៌មាន ឈៀងម៉ៃ ញូវ(Chiang Mai News) បានរាយការណ៍ថា ប្រជាជនជាច្រើននៅ Tambon    Mae Khue ក្នុងទីក្រុង Doi Saket បានរាយការណ៍ពីបាក់បែកផ្ទះ និងអគាររបស់ពួកគេ បន្ទាប់ពីរញ្ជួយដី។

មជ្ឈមណ្ឌល គ្រប់គ្រងគ្រោះមហន្តរាយធម្មជាតិនៃសាកលវិទ្យាល័យឈៀងម៉ៃ បាននិយាយថា គ្រោះរញ្ជួយដីកម្រិត ៥.១រ៉ិចទ័រ បានកើតឡើងនៅស្រុក Mae Rim នៃខេត្តឈៀងម៉ៃ ក្នុងខែធ្នូ ឆ្នាំ២០០៦ ហើយការរញ្ជួយដីកម្រិត ៤.១រ៉ិចទ័រ ត្រូវបានរាយការណ៍នៅក្នុងខេត្តនេះកាលពីពីរឆ្នាំមុនពោលគឺកាលពីថ្ងៃទី១៨ ខែតុលា ឆ្នាំ ២០២០៕

ដោយ៖វណ្ណ ស័ក្តិ