ភ្នំពេញ៖ ថ្លែងក្នុងពិធីប្រគល់សញ្ញាបត្រជូននិស្សិតសាកលវិទ្យាល័យភូមិន្ទនីសាស្ត្រនិងវិទ្យាសាស្ត្រសេដ្ឋកិច្ច ព្រឹកថ្ងៃទី០១ ខែវិច្ឆិកា ឆ្នាំ២០២២ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានថ្លែងថា អ្នកខ្លះមិនហ៊ានរំលឹកពីអតីតកាលនោះទេ ។ សម្ដេចថា បើសិនមិនហ៊ានរំលឹកពីអតីតកាល ស្មើនឹងមិនស្គាល់ឪពុកម្តាយខ្លួនឯង។

សម្តេចតេជោ ហ៊ុន សែន បានបញ្ជាក់ថា អ្នកខ្លះមិនហ៊ានរំលឹកពីអតីតកាលទេ។ ពីមុនពុំមានអ្វីទាល់តែសោះ នៅពេលបច្ចុប្បន្ន មានម៉ូតូ មានឡានទំនើបជិះ បែរជាមកស្រែកជេររាជរដ្ឋាភិបាលទៅវិញ។

សម្តេចតេជោ នាយករដ្ឋមន្ត្រី បានបន្ថែមថា ប្រជាជនខ្មែរយើងលំបាកវេទនាណាស់នៅសម័យខ្មែរក្រហម ៣ឆ្នាំ៨ខែ២០ថ្ងៃ ហើយបច្ចុប្បន្ននេះ យើងមានអ្វីៗគ្រប់បែបយ៉ាង បែរជាមកជេររាជរដ្ឋាភិបាលទៅវិញ៕ ដោយ ៖ ស៊ូ វណ្ណលុក