ភ្នំពេញ ៖ សាលា Shrewsbury ដែលមានមូលដ្ឋាននៅចក្រភពអង់គ្លេស មានមោទនភាពក្នុងការនាំយកនូវស្តង់ដារអប់រំរបស់ចក្រភពអង់គ្លេសមកកាន់ព្រះរាជាណាចក្រកម្ពុជា ក្នុងកិច្ចខិតខំប្រឹងប្រែងដើម្បីរួមចំណែកដល់ការអភិវឌ្ឍន៍យ៉ាងឆាប់រហ័សនៃវិស័យអប់រំនេះ និងកិច្ច លើក កម្ពស់ប្រព័ន្ធអប់រំរបស់ប្រទេសឱ្យស្របជាមួយនឹងកម្រិតតំបន់ និងកម្រិតពិភពលោក។ ក្រុមការងារសាលាកំពុងបើកទទួលពាក្យសុំចុះឈ្មោះចូលរៀនចាប់ពីពេលនេះតទៅ។

សាលាអន្តរជាតិ Shrewsbury ភ្នំពេញនឹងផ្តល់ជូននូវការអប់រំ និងបទពិសោធន៍ ដល់សិស្ស នៅ កម្រិត មួយដែលមិនធ្លាប់មានពីមុនមកនៅក្នុងប្រទេសនាពេលបច្ចុប្បន្ននេះ។

លោក Toby Waterson នាយកស្ថាបនិកបានគូសបញ្ជាក់ថា សាលា Shrewsbury នៅក្នុងប្រទេស អង់គ្លេសមានអាយុកាលជាងបួនរយហាសិបឆ្នាំមកហើយ និងមានកេរ្តិ៍ឈ្មោះល្បីល្បាញ ផ្នែកឧត្តមភាព នៃការអប់រំ។ សាលាបានឈ្នះពានរង្វាន់សាលាឯករាជ្យក្នុងឆ្នាំ ២០២០។ កាលពីជាង ២០ ឆ្នាំមុនសាលា Shrewsbury Bangkok ត្រូវបានបង្កើតឡើងក្នុងទម្រង់តែមួយ។ ក្រោយមកក៏មានShrewsbury ហុងកុង ហើយឥឡូវនេះសាលាShrewsbury បានមកដល់ទីក្រុងភ្នំពេញហើយ។

លោក ថបប៊ី បានមានប្រសាសន៍បន្ថែមទៀតថា៖«ក្នុងនាមជានាយកនៃសាលាដ៏ថ្មីស្រឡាងនៅកម្ពុជា ខ្ញុំគិតគូរពីការរងឥទ្ធិពលក៏ដូចជាការជះឥទ្ធិពលនិងបំលាស់ប្ដូរក្នុងសង្គម និងសេដ្ឋកិច្ចនៃការបង្កើត និងការលូតលាស់រីកចម្រើនរបស់សាលា។

សម្រាប់កម្មវិធីសិក្សា របស់អង់គ្លេសមានមូលដ្ឋានទូលំទូលាយ ហើយមិនត្រឹមតែផ្តល់នូវភាពម៉ត់ចត់ និងការអភិវឌ្ឍន៍ក្នុងមុខវិជ្ជាស្នូល និងសមត្ថភាពប៉ុណ្ណោះទេ ប៉ុន្តែថែមទាំងសំបូរទៅដោយជម្រើស និងផ្លូវផ្ទាល់ខ្លួន ដែលអនុញ្ញាតឱ្យសិស្សទទួលបានបទពិសោធន៍យ៉ាងទូលំទូលាយក្នុងនាមជាមនុស្សជាតិ សិល្បៈច្នៃ ប្រឌិត វិទ្យាសាស្រ្ត និងភាសា។ កម្មវិធីសិក្សាជាតិជាភាសាអង់គ្លេសគឺមានភាពទំនើប ភារផ្សារភ្ជាប់ និងអាចបត់បែនបាន។ ការផ្តោតលើការអប់រំជារួម ហើយកូនសិស្សនីមួយៗ ក៏ជាចំណុចសំខាន់ នៃការ អប់រំបែបអង់គ្លេសផងដែរ។

សាលាអន្តរជាតិ Shrewsbury ភ្នំពេញបានបើកដំណើរការហើយ មានទីតាំងនៅក្នុងអគារFlatiron ក្នុងភ្នំពេញស៊ីធីសេនធ័រ (សម្រាប់កុមារអាយុចាប់ពី ២ ទៅ ៥ឆ្នាំ)។ សម្រាប់ទីតាំងធំរបស់សាលាគ្រោងនឹងបើកនៅខែកញ្ញា ឆ្នាំ២០២៤ នៅខណ្ឌជ្រោយចង្វារ ភាគខាងជើងនៃទីក្រុង។ សាខាធំនេះនឹងមានការផ្គត់ផ្គង់អាហារសម្រាប់សិស្សបឋមសិក្សា និងអនុវិទ្យាល័យព្រមទាំងផ្តល់កន្លែងស្នាក់នៅផងដែរ ៕ ដោយ / គ្រី សម្បត្តិ