បាងកក៖ ទិន្នន័យបានបង្ហាញ កាលពីថ្ងៃចន្ទទី០៧ ខែវិច្ឆិកាថា កំណើនអតិផរណាអ្នកប្រើប្រាស់របស់ប្រទេសថៃបានធ្លាក់ចុះ ក្នុងរយៈពេលពីរខែជាប់គ្នា គិតមកដល់ខែតុលា ឆ្នាំ២០២២នេះ ដោយសារតម្លៃថាមពល និងអាហារបន្តធ្លាក់ចុះ។

សន្ទស្សន៍តម្លៃទំនិញប្រើប្រាស់របស់ប្រទេស (CPI) ដែលជាសូចនាករសំខាន់នៃអតិផរណា កាលពីខែតុលា បានកើនឡើង ៥.៩៨ ភាគរយ បើធៀបនឹងពេលដូចគ្នា កាលពីឆ្នាំមុន ប៉ុន្តែគឺធ្លាក់ចុះ ពីការកើនឡើង ៦.៤១ ភាគរយ នៅក្នុងខែកញ្ញានេះបើយោងតាមក្រសួងពាណិជ្ជកម្ម។ នៅខែតុលា បានសម្គាល់អត្រាអតិផរណាទាបបំផុត ចាប់តាំងពីខែមេសា។ អតិផរណា ជាមធ្យមប្រចាំឆ្នាំ បានកើនឡើងដល់ ៥.៥ភាគរយ ក្នុងខែតុលា ហើយ ខែកញ្ញា ៥.២ភាគរយ។

ក្រសួងពាណិជ្ជកម្មបាននិយាយនៅក្នុងសេចក្តីថ្លែងការណ៍មួយថា នៅក្នុងខែវិច្ឆិកា អតិផរណានឹងថយចុះដោយសារតែតម្លៃផលិតផលប្រើប្រាស់ទាប ខណៈពេលដែលតម្លៃផ្សេងទៀតនៅតែមានស្ថិរភាព ទោះបីជាតម្លៃកើនឡើង ជំនួយដោយវិធានការរបស់រដ្ឋាភិបាលដើម្បីកាត់បន្ថយថ្លៃដើមរស់នៅ និងបន្ធូរបន្ថយទឹកជំនន់។

ប្រភពបានបន្ថែមថា តម្លៃថាមពលខ្ពស់ ប្រាក់បាតថៃខ្សោយ និងតម្រូវការក្នុងស្រុកកើនឡើងអាចជាកត្តាហានិភ័យដែលកំណត់ការធ្លាក់ចុះអត្រាអតិផរណា។ ក្រសួងបាននិយាយថា អត្រាអតិផរណានៅក្នុងឆ្នាំ២០២២ត្រូវបានព្យាករណ៍ថា នឹងមានចន្លោះពី ៥.៥ ភាគរយ និង ៦.៥ ភាគរយ ៕ ប្រភពពី ស៊ីនហួរ, ដោយ៖ សារ៉ាត