ឡាអេ៖ តុលាការហូឡង់នឹងប្រកាសសាលក្រម នៅថ្ងៃព្រហស្បតិ៍ ទី១៧ ខែវិច្ឆិកានេះ ក្នុងការកាត់ទោសបុរស ៤ នាក់ជុំវិញការទម្លាក់ជើងហោះហើរ MH17 របស់ម៉ាឡេស៊ីអ៊ែរឡាញ ពីលើអ៊ុយក្រែន ក្នុងឆ្នាំ ២០១៤។

ជនសង្ស័យរួមមានជនជាតិរុស្ស៊ី Igor Girkin, Sergei Dubinsky, Oleg Pulatov និងអ៊ុយក្រែន Leonid Kharchenko នឹងមិននៅក្នុងតុលាការទេ ខណៈដែលពួកគេបានបដិសេធមិនចូលរួមក្នុងការកាត់ក្តី រយៈពេលពីរឆ្នាំកន្លះ។

អ្នកដំណើរ និងនាវិកទាំងអស់ ២៩៨ នាក់ត្រូវបានសម្លាប់ នៅពេលដែលយន្តហោះ Boeing 777 ហោះហើរពីទីក្រុង Amsterdam ទៅកាន់ទីក្រុង Kuala Lumpur ត្រូវបានវាយប្រហារលើតំបន់ភាគខាងកើតអ៊ុយក្រែន ដែលគ្រប់គ្រងដោយក្រុមផ្តាច់ខ្លួន។
រដ្ឋអាជ្ញាបានទាមទារឱ្យមានការកាត់ទោសអស់មួយជីវិតចំពោះជនសង្ស័យពីបទមនុស្សឃាត ៕ ប្រភពពី CAN, ដោយ៖ សារ៉ាត