ព្រះបរមរាជវាំងដែលបានបិទការទទួលភ្ញៀវទេសចរប្រមាណជិត៣ឆ្នាំដោយការបារម្ភឆ្លង រាលដាលជម្ងឺកូវីដ-១៩ នឹងចាប់បើកសាឡើងវិញចាប់ពីដើមខែក្រោយនេះទៅ។

លិខិតរបស់សម្តេចចៅហ្វាវាំង គង់ សំអុល ផ្ញើទៅកាន់រដ្ឋមន្ត្រីក្រសួងទេសចរណ៍ បានបញ្ជាក់ ថាព្រះករុណាព្រះមហាក្សត្រ «ទ្រង់បានសម្រេចអនុញ្ញាតឱ្យក្រសួងព្រះបរមរាជវាំង បើកដំណើរការឡើងវិញ សម្រាប់ទទួលភ្ញៀវទេសចរជាតិ-អន្តរជាតិ ចូលទស្សនាព្រះបរមរមរាជវាំង ចាប់ពីថ្ងៃទី១ ខែធ្នូ ឆ្នាំ២០២២ខាងមុខ”។

ព្រះបរមរាជវាំងបានបិទការទទួលភ្ញៀវទេសចរជាតិ និងអន្តរជាតិចាប់តាំងពីខែមីនាឆ្នាំ២០២០ ដែលពេលនោះស្ថានការណ៍ឆ្លងកំពុងពុះកញ្ជ្រោលខ្លាំងនៅទូទាំងពិភពលោក។