ហ្សាកាតា៖ ទីភ្នាក់ងារគ្រប់គ្រងគ្រោះមហន្តរាយជាតិរបស់ប្រទេសឥណ្ឌូណេស៊ីបាននិយាយ កាលពីថ្ងៃសុក្រថា ចំនួនអ្នកស្លាប់ដោយសារការរញ្ជួយដីដ៏សាហាវនៅភាគខាងលិចកោះជ្វាបានកើនឡើងដល់ ៣១០នាក់ហើយ ខណៈដែលយ៉ាងហោចណាស់ មនុស្ស ២៤នាក់នៅតែបាត់ខ្លួននៅឡើយ។

ការរញ្ជួយដីកម្រិត ៥.៦ រ៉ិចទ័របានវាយប្រហារតំបន់នេះ កាលពីថ្ងៃចន្ទ។ អ្នកស្រុកបានប្រមូលផ្តុំគ្នាសម្រាប់ការអធិស្ឋាន កាលពីថ្ងៃសុក្រ ទី២៥ វិច្ឆិកា ដើម្បីចងចាំអ្នកដែលបានស្លាប់។ អ្នកជួយសង្គ្រោះជាច្រើននៅតែធ្វើការរុករក នៅក្នុងស្រុក Cianjur ដែលរងគ្រោះខ្លាំង។

ការរញ្ជួយដីនេះត្រូវបានគេនិយាយថា បានបំផ្លាញសាលារៀនចំនួន ៣៦៣ និងវិហារអ៊ីស្លាមចំនួន ១៤៤ និងផ្ទះ អគារជាច្រើន នៅក្នុងតំបន់។ អ្នក ស្រុក ខ្លះ បាន បន់ស្រន់ នៅ កន្លែង អធិស្ឋាន ក្រៅ បណ្ដោះអាសន្ន ដែល វិហារ អ៊ីស្លាម ត្រូវ បាន ខូចខាត៕ ប្រភពពី NHK , ដោយ៖ សារ៉ាត