កំពង់ចាម៖ ថ្លែងក្នុងពិធីបើកការដ្ឋានសាងសង់ពង្រីក និងលើកកម្រិតគុណភាពកំណាត់ផ្លូវជាតិលេខ៧ ចាប់ពីរង្វង់មូលស្គន់ ទីរួមស្រុកជើងព្រៃ រហូតដល់ទីរួមខេត្តកំពង់ចាម នៅព្រឹកថ្ងៃទី៩ ខែមករា ឆ្នាំ២០២៣ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា បានបង្ហើបថា មន្ត្រីជាន់ខ្ពស់របស់គណបក្សភ្លើងទៀន លោក ថាច់ សេដ្ឋា បានទៅជួប ឯកឧត្តម ហ៊ុន ម៉ាណែត បេក្ខភាពអនាគតនាយករដ្ឋមន្ត្រីរបស់គណបក្សប្រជាជនកម្ពុជា កាលពីប៉ុន្មានថ្ងៃមុន ខណៈសម្ដេចតេជោ មិនបានជម្រាបលំអិតនោះទេ។

សម្ដេចតេជោ ហ៊ុន សែន បញ្ជាក់ថា លោក ថាច់ សេដ្ឋា បាននិយាយពីរឿងចាប់ខ្លួនសមាជិកបក្សខ្លួនទៅឯកឧត្តម ហ៊ុន ម៉ាណែត ខណៈឯកឧត្តម ហ៊ុន ម៉ាណែត បានឆ្លើយតបវិញថា បើមិនចង់ឱ្យចាប់ខ្លួន លុះត្រាតែសមាជិកបក្សលោក ថាច់ សេដ្ឋា កុំធ្វើខុសច្បាប់ គឺបានហើយ។

ជាមួយគ្នានេះ សម្ដេចតេជោ មិនបានបញ្ជាក់លំអិតថា ភាគីទាំងពីរ បានពិភាក្សាលើរឿងអ្វីខ្លះបន្ថែមនោះទេ ៕ ដោយ ៖ វណ្ណលុក