ភ្នំពេញ៖ ក្រសួងយុត្តិធម៌នៅថ្ងៃទី១៨ ខែ មករា ឆ្នាំ២០២៣នេះ បានដឹកនាំកិច្ចប្រជុំអន្តរក្រសួង ដើម្បីពិនិត្យ ពិភាក្សា និងផ្ដល់យោបល់បន្តលើសេចក្ដីព្រាងច្បាប់ស្ដីពីព្រៃឈើ។

បើយោងតាមទំព័រហ្វេសប៊ុករបស់ក្រសួងយុត្តិធម៌បានឱ្យដឹងថាក្នុងពិធីនេះគេឃើញមានការចូលរួមពីសំណាក់ឯកឧត្ដម ជីវ សុងហាក់ និងឯកឧត្ដម កេង សុម៉ារិទ្ធ រដ្ឋលេខាធិការក្រសួងយុត្តិធម៌ និងជាសហប្រធានក្រុមការងារចំពោះកិច្ចទទួលបន្ទុកពិនិត្យ និងផ្ដល់យោបល់លើផ្នែកទោសប្បញ្ញត្តិនៃសេចក្ដីព្រាងច្បាប់ស្ដីពីជលផល សេចក្ដីព្រាងច្បាប់ស្ដីពីព្រៃឈើ និង សេចក្ដីព្រាងច្បាប់ស្ដីពីតំបន់ការពារធម្មជាតិ។

ប្រភពខាងលើនេះបានបញ្ជាក់បន្ថែមថា ក្នុងកិច្ចប្រជុំនេះមានការចូលរួមពីតំណាងអន្តរក្រសួងពាក់ព័ន្ធនានាមានាក្នុងនេះមានដូចជា៖ក្រសួងមហាផ្ទៃ តំណាងក្រសួងបរិស្ថាន និងតំណាងក្រសួងកសិកម្ម រុក្ខាប្រមាញ់ និងនេសាទ ដើម្បីពិនិត្យ ពិភាក្សា និងផ្ដល់យោបល់បន្តលើខ្លឹមសារនៃសេចក្ដីព្រាងច្បាប់ស្ដីពីព្រៃឈើ ដោយមានការចូលរួមពី ឯកឧត្តម លោកជំទាវអនុប្រធាន ឯកឧត្តម លោកជំទាវ សមាជិក សមាជិកានៃក្រុមការងារ៕ដោយ៖ម៉ាដេប៉ូ