ភ្នំពេញ៖ ការព្រមាននេះ បន្ទាប់ពីក្រុមប្រឆាំង ចេញសេចក្តីថ្លែងការណ៍ ចោទគណបក្សប្រជាជនកម្ពុជាថា អាងអំណាច ចំណុចនេះ សម្តេចតេជោ អោយសុំទោសជាសាថារណៈ ។ សម្តេចតេជោ សង្កត់ធ្ងន់ថា ក្រុមនេះ បើមិនប្រើច្បាប់ទេ មិនស្គាល់លទ្ធិប្រជាធិបតេយ្យទេ។ “បើចង់ឈ្នះឆ្នោត ត្រូវរៀនសូត្រតាមអ្នកផ្សាយពាណិជ្ជកម្ម”។ សម្តេចថា ក្នុងនាមប្រធានគណបក្សប្រជាជនកម្ពុជា គឺមិនអនុញ្ញាតិអោយ ក្រុមនេះប្រមាថគណបក្សប្រជាជនកម្ពុជាបានឡើយ។

ការព្រមាននេះ ធ្វើឡើង ក្នុងឱកាសអញ្ជើញពិនិត្យមើលវឌ្ឍនភាពនៃការសាងសង់ មន្ទីរពេទ្យជាតិតេជោសន្ដិភាព ដែលមាន​ទីតាំងស្ថិតនៅសង្កាត់គោករកា ខណ្ឌព្រែកព្នៅ រាជធានីភ្នំពេញ ព្រមទាំង​សំណេះសំណាលជាមួយកម្មករសំណង់ នៅក្នុងការដ្ឋានមន្ទីរពេទ្យនេះ ប្រមាណ ១,២០០នាក់ នាព្រឹកថ្ងៃទី១៩ ខែមករា ឆ្នាំ២០២៣។