បាងកក៖ ក្រសួងហិរញ្ញវត្ថុថៃ កាលពីថ្ងៃសុក្រសប្តាហ៍នេះ បានបង្កើនការព្យាករណ៍កំណើនសម្រាប់ប្រទេស នៅឆ្នាំ២០២៣នេះ ពី ៣% ទៅ ៣.៨% ដោយលើកឡើងពីការកើនឡើងការមកដល់នៃភ្ញៀវទេសចរ ជិត ១៥០% ធៀបនឹងឆ្នាំមុន ក៏ដូចជាការឡើងខ្ពស់ជាងការរំពឹងទុក នៃការប្រើប្រាស់ក្នុងស្រុកដែលសុទ្ធតែជាកត្តាចម្បង។

លោក ផនឆៃ ធីរ៉ាវេចា (Pornchai Thiraveja ) អ្នកនាំពាក្យ ក្រសួងសេដ្ឋកិច្ចថៃ និងជានាយកគណៈកម្មាធិការគោលនយោបាយសារពើពន្ធរបស់ក្រសួង បាននិយាយថា ការធ្លាក់ចុះតម្លៃប្រេងឥន្ធនៈ និងការធ្លាក់ចុះនៃតម្រូវការនៅក្នុងទីផ្សារនាំចេញសំខាន់ៗ នឹងជួយទូទាត់សម្ពាធអតិផរណា។

លោក បន្ត ថា កំណើន ភ្ញៀវ ទេសចរគឺជាកត្តាចម្បង ដែលនឹងមានមក ពី ប្រទេស អាស៊ី ផ្សេង ទៀត កាន់តែច្រើន។ លោក ផនឆៃ បាននិយាយថា «នៅឆ្នាំនេះ ភ្ញៀវទេសចរបរទេសចំនួន ២៧.៥ លាននាក់ត្រូវបានគេរំពឹងថា នឹងទៅលេងនៅប្រទេសថៃ កើនឡើង ១៤៧% ធៀបនឹងឆ្នាំមុន»។

លោក បន្ត ថា ទោះ ជា យ៉ាង ណា ការ នាំ ចេញ ត្រូវ បាន ព្យាករណ៍ថា នឹង កើន ឡើង ត្រឹម ០,៤% ដោយ សារ ការ ធ្លាក់ ចុះ តម្រូវ ការ ក្នុង ទីផ្សារ សំខាន់ៗ៕ ប្រភពពី The Nation ប្រែសម្រួលដោយ៖ សារ៉ាត