មីនស្កិ៍៖ ប្រធានាធិបតីបេឡារូស លោក អាឡិចសាន់ឌឺ លូកាសិនកូ នៅថ្ងៃចន្ទសប្តាហ៍នេះថ្លែងថា ប្រសិនបើប្រភេទនៃការឈ្លានពានណាមួយត្រូវបានតម្រង់ឆ្ពោះទៅរកប្រទេសបេឡារូស នោះការឆ្លើយតបរបស់ទីក្រុងមីនស្កិ៍ នឹងឆាប់រហ័ស ហើយធ្ងន់ធ្ងរ ដោយសារសន្តិភាពរបស់ប្រទេសបេឡារូស គឺមិនមានន័យដូចទៅនឹងជនរងគ្រោះនោះទេ។

លោក លូកាសិនកូ ត្រូវបានទីភ្នាក់ងារសារព័ត៌មាន BelTA News ដកស្រង់សម្តីថា មេដឹកនាំបេឡារូបនេះបានថ្លែងអះអាងខាងលើ នៅក្នុងកិច្ចប្រជុំនៃក្រុមប្រឹក្សាសន្តិសុខ ជាទីដែលគម្រោងស្តីពីគំនិតសន្តិសុខដែលបានធ្វើបច្ចុប្បន្នភាពរបស់ប្រទេស និងសេចក្តីព្រាងច្បាប់ស្តីពីអង្គភាពស្ម័គ្រចិត្ត កំពុងត្រូវបានពិភាក្សា។

ទន្ទឹមគ្នា លោក លូកាសិនកូ បានសង្កត់ធ្ងន់ថា “ធាតុផ្សំនៃសង្គ្រាមត្រជាក់” មានដូចជាការប្រកួតប្រជែងសព្វាវុធ និងការគំរាមកំហែងនុយក្លេអ៊ែរ ដែលផ្នែកនៃមេដឹកនាំលោកខាងលិចមួយចំនួន បានវិលត្រលប់ទៅជារបៀបវារៈអន្តរជាតិសម័យទំនើបឡើងវិញ។

ស្របពេលជាមួយគ្នានោះដែរ មេដឹកនាំបេឡារូបនេះបានព្រមានថា ក្នុងករណីមានការឈ្លានពានណាមួយ ការឆ្លើយតបនឹងឆាប់រហ័ស ហើយធ្ងន់ធ្ងរ និងថា សន្តិភាពបេឡារូសមិនមែនជាពាក្យមានន័យដូចការលះបង់ខ្លួនឯងនោះទេ៕ ប្រភព៖ Tass ប្រែសម្រួលដោយ៖ទីណា