ភ្នំពេញ៖ ក្នុងពិធីអបអរសាទរទិវាជាតិទីក្រុងស្អាតលើកទី១១ ឆ្នាំ២០២៣ ក្រោមប្រធានបទ «ទីក្រុងស្អាត បដិសណ្ឋារកិច្ច ល្អម្ចាស់ផ្ទះកម្ពុជាមកដល់ភាពកក់ក្ដៅ» និងពិធីប្រកាសជ័យលាភីទីក្រុងស្អាតលើកទី៣ នារសៀលថ្ងៃទី២៧ ខែកុម្ភៈ ឆ្នាំ២០២៣ នៅសណ្ឋាគារសុខាភ្នំពេញ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃកម្ពុជា បាន អំពាវនាវ ដល់ជនរួមជាតិ និង ដៃគូអភិវឌ្ឍន៍ រួមគ្នា លុបបំបាត់ ឬកាត់បន្ថយ ការប្រើប្រាស់ប្លាស្ទិក ។

សម្តេចតេជោ បានបន្តថា រឿង ប្លាស្ទិក គឺជារឿងដែលអាចក្លាយជា បញ្ហាធ្ងន់ធ្ងរ នៅ ២០ឆ្នាំ, ៣០ឆ្នាំ ឬ ៥០ឆ្នាំក្រោយ ។ ចំពោះ កង្វល់ដ៏ធំនេះ សម្ដេចក៏បាន អំពាវនាវដល់ជនរួមជាតិ និងដៃគូអភិវឌ្ឍ ទាំងអស់ ត្រូវបន្ត រួមគ្នាទាំងក្នុងក្របខណ្ឌ ជាតិរបស់យើង និង ដៃគូ អន្តរជាតិ ដើម្បីកាត់បន្ថយនូវបញ្ហាប្រឈម ឬឈានទៅលុបបំបាត់ បញ្ ប្រឈម នេះ ប៉ុន្តែ ការឱ្យ លុបបំបាត់ ទាំងស្រុង ជាការ លំបាក ណាស់ ។

សម្ដេចតេជោ ហ៊ុន សែន បានបញ្ជាក់ថា ទោះជា យ៉ាងណាក៏ដោយ បញ្ហាប្លាស្ទិក មិនគួរ ឲ្យ កើតមាន នៅក្នុង សមុទ្រទន្លេព្រែក បឹងបួសនោះទេ ៕ ដោយ វណ្ណលុក