មូស្គូ៖ សេវាគយសហព័ន្ធរបស់ប្រទេសរុស្ស៊ី ក្នុងថ្ងៃចន្ទសប្តាហ៍នេះ បានឱ្យដឹងថា ពាណិជ្ជកម្មក្រៅប្រទេសរបស់រុស្ស៊ីបានកើនឡើងដល់ ៨.១ភាគរយពីមួយឆ្នាំទៅមួយឆ្នាំ ដល់ទឹកប្រាក់ ៨៥០.៥ប៊ីលានដុល្លារក្នុងឆ្នាំ ២០២២។

យោងតាមទិន្នន័យផ្លូវការបានបង្ហាញថា ការនាំចេញរបស់រុស្ស៊ីបានកើនឡើង ១៩.៩ភាគរយ ដល់ទឹកប្រាក់ ៥៩១.៥ប៊ីលានដុល្លារ ខណៈដែលការនាំចូលធ្លាក់ចុះ ១១.៧ភាគរយមកនៅត្រឹមទឹកប្រាក់ ២៥៩.១ប៊ីលានដុល្លារ។

ជាលទ្ធផល អតិរេកពាណិជ្ជកម្មរបស់រុស្ស៊ីឈានដល់ទឹកប្រាក់ ៣៣២.៤ប៊ីលានដុល្លារ កើនឡើង ៦៦.៦ភាគរយ បើធៀបនឹងឆ្នាំមុន។ ការនាំចេញកំពូលរបស់រុស្ស៊ី គឺឥន្ធនៈរ៉ែ ប្រេង និងផលិតផលនៃការចម្រាញ់របស់វា ដែលមានទឹកប្រាក់ចំនួន ៣៨៣.៧ប៊ីលានដុល្លារ ឬ ៦៤.៩ភាគរយនៃការនាំចេញសរុប៕ ប្រភព៖ ស៊ីនហួរ ប្រែសម្រួលដោយ៖ ឈឹម ទីណា