បាងកក៖ នាយករដ្ឋមន្ត្រីនៃប្រទេសថៃ លោក ប្រាយុទ្ធ បានអះអាងថា លោកបានរៀបចំក្រឹត្យរំលាយសភាថៃហើយ មុនពេលមានការបោះឆ្នោត។

នាយករដ្ឋមន្ត្រីថៃ លោក ប្រាយុទ្ធ ចាន់អូចា បាននិយាយ កាលពីថ្ងៃសុក្រ សប្តាហ៍នេះថា លោកបានរៀបចំក្រឹត្យមួយ ដើម្បីស្វែងរកការរំលាយសភា មុនពេលការបោះឆ្នោត។

ក្រឹត្យនេះនឹងតម្រូវឱ្យមានការយល់ព្រម ពីព្រះមហាក្សត្រ ហើយនឹងចូលជាធរមាននៅពេលដែលបានចុះផ្សាយ ក្នុងព្រះរាជក្រឹត្យ ហើយ ការបោះឆ្នោតត្រូវធ្វើឡើង នៅរយៈពេលចន្លោះពី ៤៥ ទៅ ៦០ ថ្ងៃ បន្ទាប់ពីការរំលាយ។

របាយការណ៍តាមអ៊ីនធឺណិតជាច្រើនបានសន្និដ្ឋានយ៉ាងឆាប់រហ័សថា ការរំលាយសភានឹងធ្វើឡើងនៅថ្ងៃចន្ទ ប៉ុន្តែលោកឧត្តមសេនីយ៍ ប្រាយុទ្ធ មិនទាន់ទេ។

«ខ្ញុំបានរៀបចំ (ក្រឹត្យ) យើងត្រូវរង់ចាំ។ យើងត្រូវរង់ចាំការប្រកាស នៅក្នុងនៅក្នុងសៀវភៅព្រះរាជកិច្ច រ៉ូយាល់ ហ្គាសិត (Royal Gazette)» នេះជាអ្វីដែលលោក ប្រាយុទ្ធ បានប្រាប់អ្នកយកព័ត៌មានពេលកំពុងធ្វើទស្សនកិច្ចបែបយុទ្ធនាការ នៅឈៀងម៉ៃ។

នៅពេលសួរថា តើវានឹងទៅដល់ពេលណា លោកបាននិយាយថា៖ «យើងត្រូវរង់ចាំ រង់ចាំការប្រកាស»។

គណៈកម្មាធិការរៀបចំការបោះឆ្នោត ដែលទើបតែបានបោះពុម្ពផែនទីថ្មីនៃមណ្ឌលបោះឆ្នោតចំនួន ៤០០ របស់ប្រទេសនេះ បានគូសវាសមុនការបោះឆ្នោតនៅថ្ងៃទី ៧ ឧសភា ប៉ុន្តែកាលបរិច្ឆេទចុងក្រោយមិនទាន់ត្រូវបានបញ្ជាក់នៅឡើយទេ៕ ប្រភពពី Bangkok post ប្រែសម្រួលដោយ៖ សារ៉ាត