មូស្គូ៖ អង្គការសហប្រជាជាតិ (UN) ទាមទារឲ្យមានច្រក ចូលទៅជួយកុមារអ៊ុយក្រែន ដែលត្រូវនិរទេសទៅរុស្ស៊ី។

ក្រុមប្រឹក្សាសិទ្ធិមនុស្សរបស់អង្គការសហប្រជាជាតិ (អ.ស.ប) បានទាមទារ កាលពីថ្ងៃអង្គារ សប្តាហ៍នេះ ឲ្យប្រទេសរុស្ស៊ីផ្តល់សិទ្ធិចូលប្រើប្រាស់ និងទទួលដឹងព័ត៌មាន អំពីកុមារអ៊ុយក្រែន និងជនស៊ីវិលផ្សេងទៀតដែលត្រូវបានផ្ទេរដោយបង្ខំទៅកាន់ទឹកដីក្រោមការគ្រប់គ្រងរបស់ខ្លួន។

ស្ថាប័នសិទ្ធិមនុស្សកំពូលរបស់អង្គការសហប្រជាជាតិបានអនុម័តដំណោះស្រាយមួយដោយទាមទារឱ្យទីក្រុងម៉ូស្គូ “បញ្ឈប់ការផ្ទេរ និងការនិរទេសដោយបង្ខំដោយខុសច្បាប់នៃជនស៊ីវិល និងអ្នកការពារផ្សេងទៀតនៅក្នុងអ៊ុយក្រែន ឬទៅកាន់សហព័ន្ធរុស្ស៊ី” ។

អត្ថបទដែលបានអនុម័តដោយសមាជិកក្រុមប្រឹក្សាចំនួន ២៨នាក់ក្នុងចំណោម ៤៧ រូបបានបោះឆ្នោតគាំទ្រ ១៧ អនុប្បវាទ ហើយមាន២ប្រទេស ដែលជំទាស់ បានគូសបញ្ជាក់ ជាពិសេស លើការផ្ទេរ កុមារ។

ការចោទប្រកាន់របស់វិមានក្រឹមឡាំងថា ការនិរទេសកុមាររាប់ម៉ឺននាក់ពីអ៊ុយក្រែនទៅកាន់ប្រទេសរុស្ស៊ី ឬតំបន់ដែលកាន់កាប់ដោយកងកម្លាំងរុស្ស៊ី គឺជាប្រធានបទដ៏ក្តៅគគុកពេញមួយសម័យប្រជុំជិតប្រាំមួយសប្តាហ៍នៃក្រុមប្រឹក្សាដែលមានមូលដ្ឋាននៅទីក្រុងហ្សឺណែវ។

អ៊ុយក្រែនអះអាងថា កុមារអ៊ុយក្រែនជាង ១៦.០០០ នាក់ត្រូវបាននិរទេសទៅរុស្ស៊ី គិតត្រឹមខែកុម្ភៈឆ្នាំនេះ៕ ប្រភពពី AFP ប្រែសម្រួលដោយ៖ សារ៉ាត