ហ៊ីរ៉ូស៊ីម៉ា៖ បាតុកម្មប្រឆាំងក្រុមប្រទេស G7 ខណៈមេដឹកនាំនៃប្រទេសទាំងនោះ ទៅទស្សនាឧទ្យានសន្តិភាព «ហ៊ីរ៉ូស៊ីម៉ា» នៅប្រទេសជប៉ុន។

បាតុកររាប់រយនាក់បានដើរ តាមដងផ្លូវនៃទីក្រុង ហ៊ីរ៉ូស៊ីម៉ា (Hiroshima) ដោយកាន់បដាដែលសរសេរថា «គ្មានកិច្ចប្រជុំកំពូល G7 ចក្រពត្តិនិយមទេ!» (No G7 imperialist summit) , និងបដាថា «ប្រគល់អ៊ុយក្រែន!» (Hands off Ukraine!) និង «គ្មានសង្រ្គាម លើប្រទេសចិនទេ!»’។

បាតុកម្មនេះធ្វើឡើង ក្នុងពេលដែលមេដឹកនាំ G7 បានប្រមូលផ្តុំគ្នា នៅទីក្រុងជប៉ុន សម្រាប់កិច្ចប្រជុំកំពូលក្រុមប្រទេសឧស្សាហកម្មអភិវឌ្ឍន៍ជួរមុខ នៅលើពិភពលោក ហៅកាត់ថា G7 រយៈពេលបីថ្ងៃ។

G7 កំពុងសម្លឹងមើលការរឹតបន្តឹងបន្ថែមទៀត ពង្រឹងការដាក់ទណ្ឌកម្មដែលមានស្រាប់ បិទចន្លោះប្រហោង និងដាក់សំពាធក្រុមហ៊ុនរុស្ស៊ីកាន់តែច្រើន និងដៃគូអន្តរជាតិរបស់ពួកគេឱ្យដាក់ទណ្ឌកម្ម។

អ៊ុយក្រែន កាលពីថ្ងៃសុក្រ បានបញ្ជាក់ថា ប្រធានាធិបតី លោក Volodymyr Zelenskyy នឹងចូលរួមជាមួយមេដឹកនាំ G7 នៅទីក្រុងហ៊ីរ៉ូស៊ីម៉ាផងដែរ៕ ប្រភពពី AFP ប្រែសម្រួល៖ សារ៉ាត