សម្តេចតេជោ ហ៊ុន សែន បានថ្លែងលើកទឹកចិត្តក្រុមកីឡាពិការរបស់កម្ពុជា ដែលកំពុងស្វែងរកមេដាយមាសយ៉ាងហោចចំនួន៨គ្រឿង។ សម្តេចតេជោ ហ៊ុន សែន បានថ្លែងថាបញ្ហាមេដាយមិនមែនជាបញ្ហាសំខាន់ខ្លាំងនោះទេ។

សម្តេចបានមានប្រសាសន៍លើកទឹកចិត្តក្រុមកីឡាករពិការកម្ពុជា ដើម្បីបន្តការប្រកួតជាមួយនឹងក្រុមកីឡាករពិការ នៃប្រទេសចំនួន១០ ផ្សេងទៀតរបស់អាស៊ាន។

កម្ពុជាគិតត្រឹមម៉ោង៥ល្ងាចថ្ងៃទី៦មិថុនា, បានស្ថិតក្នុងលំដាប់លេខរៀងទី៨ ដោយទទួលបានមេដាយចំនួន៣៧គ្រឿងហើយ។

យោងតាមលទ្ធផល ប្រទេសឥណ្ឌូណេស៊ីឈរលេខរៀងទី១ ដោយទទួលបាន មេដាយចំនួន២០៤ ក្នុងនោះមេដាយមាស៨៣, មេដាយប្រាក់៧៣និង មេដាយសំរឹទ្ធ៤៨។

ប្រទេសថៃ ទទួលបានមេដាយចំនួន១៥៧ ក្នុងនោះមេដាយមាស៥៩ ,មេដាយប្រាក់៥៦ និង មេដាយ ចំនួនសំរឹទ្ធ៤២។

ប្រទេសវៀតណាមទទួលបានមេដាយចំនួន១១៨ ក្នុងនោះមេដាយមាស៣៣, មេដាយប្រាក់ ៣៥ និងមេ ដាយសំរឹទ្ធ៥០។

ប្រទេសម៉ាឡេស៊ី ទទួលបាន មេដាយចំនួន៧១ ក្នុងនោះមេដាយមាស៣១, មេដាយប្រាក់២៤ និងមេដាយសំរឹទ្ធ១៦។

ប្រទេសហ្វីលីពីន ទទួលបានមេដាយចំនួន៥៦ ក្នុងនោះមេដាយមាស១៧ , មេដាយប្រាក់១៩ និងមេដាយសំរឹទ្ធ២០គ្រឿង។

ប្រទេសសឹង្ហបូរី ទទួលបានមេដាយចំនួន២៦ ក្នុងនោះមេដាយមាស៧ ,មេដាយប្រាក់១១ និងមេដាយសំរឹទ្ធ៨។

ប្រទេសមីយ៉ាន់ម៉ា ទទួលបានមេដាយចំនួន២៥គ្រឿង ក្នុងនោះមេដាយមាស៦ ,មេដាយ ប្រាក់១១ និងមេដាយសំរឹទ្ធ៨។

ប្រទេសកម្ពុជា ទទួលបានមេដាយចំនួន៣៧ ក្នុងនោះមេដាយមាស៥ ,មេដាយប្រាក់១២ និងមេដាយសំរឹទ្ធ២០។

ប្រទេសទីម័រខាងកើត ទទួលបានមេដាយចំនួន៥ ក្នុងនោះមេដាយមាស២ និងសំរឹទ្ធ៣ ។ ប្រទេសប្រុយណេ ទទួលបានមេដាយ៣ ក្នុងនោះមេដាយមាស២ និងសំរឹទ្ធ១។

ចំណែកប្រទេសឡាវ គឺទទួលបានមេដាយចំនួន៥ ក្នុងនោះមេដាយប្រាក់១ និងមេដាយសំរឹទ្ធ ៤។